ଓ୍ବାଶିଂଟନ୍, ୨୦ା୧୨: ଆମେରିକାର ନବ ନିର୍ବାଚିତ ରାଷ୍ଟ୍ରପତି ଜୋ ବାଇଡେନ ଶୁକ୍ରବାର ହ୍ବାଇଟ ହାଉସ୍ କମ୍ୟୁନିକେଶନ ଓ ପ୍ରେସ ଷ୍ଟାଫଙ୍କ ନାଁ ଘୋଷଣା କରିଛନ୍ତି। ଏହି ଟିମ୍ରେ ଭାରତୀୟ ବଂଶୋଭବ ବେଦାନ୍ତ ପଟେଲଙ୍କୁ ଆସିଷ୍ଟାଣ୍ଟ ପ୍ରେସ୍ ସେକ୍ରେଟାରୀ ପଦବୀ ମିଳିଛି। ପଟେଲ ବର୍ତ୍ତମାନ ବାଇଡେନଙ୍କ ମୁଖପାତ୍ର ଥିବାବେଳେ ନିର୍ବାଚନୀ କ୍ୟାମ୍ପେନବେଳେ ସେ ରିଜିଓନାଲ କମ୍ୟୁନିକେଶନର ନିର୍ଦ୍ଦେଶକ ରହିଥିଲେ। ଏହାପୂର୍ବରୁ ପଟେଲ ଭାରତୀୟ ମୂଳ ରାଜନେତା ପ୍ରମିଳା ଜୟପାଲଙ୍କ ପାଇଁ କମ୍ୟୁନିକେଶନ ନିର୍ଦ୍ଦେଶକ ଭାବରେ କାର୍ଯ୍ୟ କରିଛନ୍ତି। ସେ ଡେମୋକ୍ରାଟିକ୍ ନ୍ୟାଶନାଲ କମିଟିରେ ପାଶ୍ଚାତ୍ୟ ଆଞ୍ଚଳିକ ପ୍ରେସ ସଚିବ ତଥା ରାଜନେତା ମାଇକ ହୋଣ୍ଡାଙ୍କ ଯୋଗାଯୋଗ ନିର୍ଦ୍ଦେଶକ ମଧ୍ୟ ରହିଥିଲେ। ବାଇଡେନ ତାଙ୍କ ଏହି ଟିମ୍ ପାଇଁ ୧୬ ଜଣଙ୍କ ନାମ ଘୋଷଣା କରିଛନ୍ତି।