ଭୁବନେଶ୍ୱର,୨୩।୩: ବେଦାନ୍ତ ଆଲୁମିନିୟମ ପକ୍ଷରୁ ବିଶ୍ୱ ଜଳ ଦିବସ ପାଳିତ ହୋଇଯାଇଛି। ବିଶେଷକରି କମ୍ପାନୀ ଜଳ ପୁନଃ ଚକ୍ରଣକୁ ଗୁରୁତ୍ୱାରୋପ କରୁଥିବା ଜଣାପଡ଼ିଛି। କମ୍ପାନୀ ଚଳିତ ଆର୍ଥିକ ବର୍ଷର ଫେବୃୟାରୀ ସୁଦ୍ଧା ପ୍ରାୟ ୧୨.୫ ବିଲିୟନ ଲିଟର ଜଳ ପୁନଃ ଚକ୍ରଣ କରିଥିବା ଜଣାପଡ଼ିଛି। କମ୍ପାନୀର ଝାରସୁଗୁଡ଼ା ମେଗା ଆଲୁମିନିୟମ ସ୍ମେଲ୍ଟର ପରିସରରେ ଦୈନିକ ୪୪୦ କିଲୋଲିଟର ଜଳ ପ୍ରକ୍ରିୟାକରଣ କ୍ଷମତା ସହ ଏକ ନ୍ୟୁ ସେଓ୍ବେଜ୍ ଟ୍ରିଟ୍ମେଣ୍ଟ ପ୍ଲାଣ୍ଟର ଭିତ୍ତିପ୍ରସ୍ତର ସ୍ଥାପନ କରାଯାଇଥିଲା।
ବିଶେଷକରି ଏହା ଥରେ କାର୍ଯ୍ୟକ୍ଷମ ହେବା ପରେ ଉକ୍ତ ଜଳକୁ ପୁନଃ ବ୍ୟବହାର କରାଯିବ। ଏହାଦ୍ୱାରା ମଧୁର ଜଳ ବ୍ୟବହାର ବର୍ଷକୁ ୧୫ କୋଟି ଲିଟର ହ୍ରାସ ପାଇବ ବୋଲି କମ୍ପାନୀ ପକ୍ଷରୁ କୁହାଯାଇଛି। ବେଦାନ୍ତ ଲିମିଟେଡ୍ର ସିଇଓ (ଆଲୁମିନିୟମ ବ୍ୟବସାୟ) ରାହୁଲ ଶର୍ମା କହିଛନ୍ତି, ଆମେ ନେଟ୍ ୱାଟର ପଜିଟିଭ ହେବା। ଏପରିକି ଯେଉଁଠାରେ ଆମେ କାର୍ଯ୍ୟ କରୁଛୁ, ସେହି ଅଞ୍ଚଳରେ ଏକ ସ୍ଥାୟୀ ଜଳ ପଦଚିହ୍ନ ସୁନିଶ୍ଚିତ କରିବା ଲାଗି ଆମର ଅଭିଯାନକୁ ସୁପାରିସ କରୁଛୁ। ତେଣୁ ଜଳର ବିବିଧତା ପାଇଁ ଏହାର ଉପଲବ୍ଧତା ବୃଦ୍ଧିକୁ ସୁନିଶ୍ଚିତ କରିବା ଆବଶ୍ୟକ ରହିଛି। ବେଦାନ୍ତ ପାଓ୍ବାର(ଝାରସୁଗୁଡ଼ା)ର ସିଓଓ ଅଜୟ ପାଣ୍ଡେ କହିଛନ୍ତି, ମୂଲ୍ୟବାନ୍ ଜଳର ସଦୁପଯୋଗ ପାଇଁ ଆମର କାର୍ଯ୍ୟକୁ ଏକ ଲେଜର ଧ୍ୟାନ ରଖିଛି। ଉତ୍ସ ସଂରକ୍ଷଣ ଓ ଉତ୍ସ ନବୀକରଣ କାର୍ଯ୍ୟକ୍ରମର ଏକ ରଣନୀତିକ ମିଶ୍ରଣ ନିୟୋଜନ କରି ଆମେ ଜଳ ପରିଚାଳନା ପ୍ରୟାସରେ ଉନ୍ନତି ଆଣିବାକୁ ସଫଳ ହୋଇଛୁ।
