ହ୍ବାଇଟ ହାଉସରେ ମୋଦିଙ୍କ ପାଇଁ ଶାକାହାରୀ ଭୋଜନ: ରହିଛି ବାଜରା କେକ, ଛତୁ…

ଓ୍ବାଶିଂଟନ,୨୨।୬ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମ୍ମାନାର୍ଥେ ହ୍ବାଇଟ ହାଉସରେ ଦିଆଯିବାକୁ ଥିବା ରାତ୍ର ଭୋଜନର ମେନୁ ମିଡିଆରେ ପ୍ରକାଶ ପାଇଛି। ଆମେରିକାର ପ୍ରଥମ ଲେଡି ଜିଲ ବାଇଡେନ ପିଏମ ମୋଦିଙ୍କ ପାଇଁ ଆୟୋଜିତ ହେବାକୁ ଥିବା ଭୋଜନ ବିଷୟରେ ସୂଚନା ଦେଇଛନ୍ତି।

ଆମେରିକାର ପ୍ରଥମ ଲେଡି ଜିଲ ବାଇଡେନ କହିଛନ୍ତି ଅତିଥିମାନେ ଦକ୍ଷିଣ ଆଇନର ଅପର ପାର୍ଶ୍ୱରେ ଥିବା ଏକ ପ୍ୟାଭିଲିୟନକୁ ଯିବେ, ଯେଉଁଠାରେ ପ୍ରତ୍ୟେକ ଟେବୁଲକୁ ଭାରତୀୟ ପତାକା ରଙ୍ଗ ପରି ସବୁଜ ଏବଂ ଗୈରିକ ଫୁଲରେ ସଜାଯିବ। ଜିଲ ବାଇଡେନ କହିଛନ୍ତି ପ୍ରଧାନମନ୍ତ୍ରୀ ମୋଦି ଜଣେ ଶାକାହାରୀ, ତେଣୁ ତାଙ୍କ ପାଇଁ ଶାକାହାରୀ ଖାଦ୍ୟ ପ୍ରସ୍ତୁତ କରାଯାଇଛି।

ପ୍ରଥମ ଲେଡି ଜିଲ ବାଇଡେନଙ୍କ ରୋଷେୟା ନୀନା କାର୍ଟିସ ଏବଂ ଅନ୍ୟ ହ୍ବାଇଟ ହାଉସର ରୋଷେୟାମାନଙ୍କ ସହ ମିଶି ପିଏମ ମୋଦିଙ୍କ ସମ୍ମାନାର୍ଥେ ଭୋଜନରେ ମେନୁ ପ୍ରସ୍ତୁତ କରିବେ।

ଭୋଜନରେ ବାଜରା କେକ, ଲେମ୍ବୁ-ଦହି ସସ, ମାରିନେଟ ମିଲେଟ, ଗ୍ରିଲ କର୍ଣ୍ଣ କର୍ଣ୍ଣଲ ସାଲାଡ, ତରଭୁଜ, ଟାଙ୍ଗି ଆଭୋକାଡୋ ସସ ଏବଂ ଷ୍ଟଫ ପୋର୍ଟୋବେଲୋ ଛତୁ ଅନ୍ତର୍ଭୁକ୍ତ।