ପ୍ରତିଦିନ ସୋସିଆଲ ମିଡିଆରେ ପଶୁପକ୍ଷୀଙ୍କ ଅନେକ ଭିଡିଓ ଭାଇରଲ ହେଉଛି। ଏଥିରୁ କେତେକ ଭିଡିଓ ହସର ଖୋରାକ ଯୋଗାଉଥିବାବେଳେ କେତେକ ଭାବପ୍ରବଣ କରିଦିଏ। ବର୍ତ୍ତମାନ ଏକ ବାଘ ତରଭୁଜ ଖାଉଥିବା ଭିଡିଓ ବେଶ ଭାଇରାଲ ହେବାରେ ଲାଗିଛି।
ଭିଡିଓରେ ଦେଖାଯାଇଛି, ଏକ ବାଘ ତରଭୁଜକୁ ଆଗ ୨ ଗୋଡରେ ଜାବୁଡି ଧରିଛି। ପରେ ଏହାକୁ ଦାନ୍ତରେ କାମୁଡୁଛି। କିଛି ସମୟ ପରେ ତରଭୁଜଟି ଖଣ୍ଡ ଖଣ୍ଡ ହୋଇଯାଉଛି। ଏହାପରେ ଉକ୍ତ ବାଘ ନିକଟକୁ ଆଉ ଗୋଟିଏ ବାଘ ଆସୁଥିବା ଦେଖାଯାଇଛି। ଆଇଏଫଏସ ଅଧିକାରୀ ସୁଶାନ୍ତ ନନ୍ଦ ନିଜ ଟୁଇଟରରେ ଏହି ଭିଡିଓକୁ ଶେୟାର କରିଛନ୍ତି। ସେ କ୍ୟାପସନରେ ଲେଖିଛନ୍ତି, ଟୁଇଟରେ ଟ୍ରୋଲ ହେବା ପରେ ବାଘ ଦମ୍ପତ୍ତି ନିରାମିଷାଶୀ ହୋଇଗଲେ। ଏହି ଭିଡିଓକୁ ଅନେକ ଲୋକ ଲାଇକ କରିଥିବାବେଳେ ଅନେକ ଭିନ୍ନ ମତ ଦେଇଛନ୍ତି।