ନୂଆଦିଲ୍ଲୀ,୧୭।୭(ଅଭୟ ଦାଶ): ଦେଶର ପ୍ରମୁଖ ଅଟୋଶିଳ୍ପ ସଂଘ ସୋସାଇଟି ଅଫ୍ ଇଣ୍ଡିଆନ ଅଟୋମୋବାଇଲ୍ ମ୍ୟାନୁଫାକ୍ଚରର୍ସ (ଏସଆଇଏଏମ) ପକ୍ଷରୁ ଚଳିତ ଆର୍ଥିକ ବର୍ଷର ଯାନବାହନ ରପ୍ତାନ ଫଳାଫଳ ସମ୍ପର୍କରେ ଘୋଷଣା କରାଯାଇଛି। ଏପରିକି ୨୦୨୩ ଏପ୍ରିଲରୁ ଜୁନ୍ ଅବଧି ମଧ୍ୟରେ ଭାରତରୁ ଅଟୋମୋବାଇଲ୍ ରପ୍ତାନ ୨୮ % ହ୍ରାସ ପାଇଛି। ବିଶେଷ କରି ଆଫ୍ରିକା ଏବଂ ଅନ୍ୟାନ୍ୟ ବିକାଶଶୀଳ ଦେଶଗୁଡିକରେ ଆର୍ଥିକ ସଙ୍କଟ ଦେଖାଦେଇଥିବା କାରଣରୁ ଯାନବାହନ ରପ୍ତାନି ହ୍ରାସ ହୋଇଛି ବୋଲି ଏସଆଇଏଏମ ପକ୍ଷରୁ ସୂଚନା ଦିଆଯାଇଛି। ଅପରପକ୍ଷରେ ଚଳିତ ଆର୍ଥକ ବର୍ଷର ପ୍ରଥମ ତ୍ରୈମାସିକ ଶେଷ ସୁଦ୍ଧା ମୋଟ ୧୦,୩୨,୪୪୯ ୟୁନିଟ ଯାନ ରପ୍ତାନୀ ହୋଇଥିବାବେଳେ ୨୦୨୨-୨୩ଆର୍ଥକ ବର୍ଷର ସମାନ ଅବଧି ମଧ୍ୟରେ ୧୪,୨୫,୯୬୭ ୟୁନିଟ୍ ଯାନ ରପ୍ତାନି ହୋଇଥିଲା।
ଏ ସମ୍ପର୍କରେ ଏସଆଇଏଏମର ମହାନିର୍ଦ୍ଦେଶକ ରାଜେଶ ମେନନ୍ କହିଛନ୍ତି, ବିଶେଷ କରି ଆଫ୍ରିକା ଏବଂ ଅନ୍ୟାନ୍ୟ ବିକାଶଶୀଳ ଦେଶଗୁଡିକରେ ମୁଦ୍ରାର ମୂଲ୍ୟ ହ୍ରାସ ଯୋଗୁ ପ୍ରଥମ ତ୍ରୈମାସିକରେ ଅଟୋଶିଳ୍ପର ରପ୍ତାନୀରେ ହ୍ରାସ ଘଟିଛି।
ଉଲ୍ଲେଖଯୋଗ୍ୟ, ଚଳିତ ଆର୍ଥିକ ବର୍ଷର ପ୍ରଥମ ତ୍ରୈ ମାସିକରେ ସମୁଦାୟ ଯାତ୍ରୀବାହୀ ଯାନବାହାନର ରପ୍ତାନୀ ୧,୫୨,୧୫୬ ୟୁନିଟ୍ ରହିଛି। ଯାହା ଗତ ଆର୍ଥିକ ବର୍ଷ ଏପ୍ରିଲରୁ ଜୁନ୍ ଅବଧି ମଧ୍ୟରେ ୧,୬୦,୧୧୬ ୟୁନିଟ୍ ରହିଥିଲା। ବିଶେଷ କରି ଗତ ଆର୍ଥକ ବର୍ଷ ଅପେକ୍ଷା ଚଳିତ ଆର୍ଥିକ ବର୍ଷର ରପ୍ତାନୀ ହାରରେ ୫ % କମ୍ ରହିଛି। ସେହିପରି ଯାତ୍ରୀବାହୀ କାରଗୁଡିକର ରପ୍ତାନି ସମାନ ଅବିଧି ମଧ୍ୟରେ ୧,୦୪,୪୦୦ ୟୁନିଟରୁ ୯୪,୭୯୩ ୟୁନିଟକୁ ହ୍ରାସ ପାଇଛି। ସେହିଭଳି ଚଳିତ ଆର୍ଥିକ ବର୍ଷର ପ୍ରଥମ ତ୍ରୈମାସିକରେ ୟୁଟିଲିଟି ଯାନ ରପ୍ତାନିରେ ମଧ୍ୟ ସାମାନ୍ୟ ହ୍ରାସ ଘଟିଛି ଏବଂ ଗତ ଆର୍ଥିକ ବର୍ଷର ସମାନ ଅବଧିରେ ୫୫,୫୪୭ ୟୁନିଟ୍ ତୁଳନାରେ ଚଳିତ ଆର୍ଥିକ ବର୍ଷ ରେ ୫୫,୪୧୯ ୟୁନିଟ୍ ରହିଛି। ସେହିପରି ୨ଚକିଆ ଯାନ ରପ୍ତାନିରେ ମଧ୍ୟ ହ୍ରାସ ଦେଖିବାକୁ ମିଳିଛି। ୨୦୨୩ଏପ୍ରିଲ୍ରୁ ଜୁନ୍ ଅବଧି ମଧ୍ୟରେ ୩୧% ହ୍ରାସ ପାଇ ୭,୯୧,୩୧୬ ୟୁନିଟ୍କୁ ଖସି ଆସିଛି। ଗତ ଆର୍ଥକ ବର୍ଷର ସମାନ ଅବିଧି ମଧ୍ୟରେ ୧୧,୪୮,୫୯୪ ୟୁନିଟ୍ ଦୁଇ ଚକିଆ ଯାନ ରପ୍ତାନୀ ହୋଇଥିଲା। ଅପରପକ୍ଷରେ ବାଣିଜି୍ୟକ ଯାନରେ ମଧ୍ୟ ରପ୍ତାନୀ ହ୍ରାସ ହୋଇଛି। ୨୦୨୩-୨୪ ଆର୍ଥିକ ବର୍ଷର ପ୍ରଥମ ତ୍ରୈମାସିକରେ ବାଣିଜି୍ୟକ ଯାନ ପରିବହନ ୧୪,୬୨୫ ୟୁନିଟକୁ ହ୍ରାସ ପାଇଛି। ଗତ ବର୍ଷ ଏହାର ସଂଖ୍ୟା ୧୯,୬୨୪ ୟୁନିଟ୍ ଥିଲା। ଫଳରେ ବାଣିଜି୍ୟକ ଯାନ ୨୫% ହ୍ରାସ ପାଇଛି। ତିନି ଚକିଆ ଯାନ ରପ୍ତାନୀରେ ଗତ ବର୍ଷ ଅପେକ୍ଷା ୨୫% ହ୍ରାସ ପାଇ ୭୩,୩୬୦ ହୋଇଛି। ଗତବର୍ଷ ଏହା ୯୭.୨୩୭ ୟୁନିଟ୍ ଥିଲା। ଉଲ୍ଲେଖଯୋଗ୍ୟ, ମାରୁତି ସୁଜୁକି ୨୦୨୩ ଜୁନ୍ ମଧ୍ୟରେ ୬୨,୮୫୭ ୟୁନିଟ୍ ରପ୍ତାନି ସହିତ ଶୀର୍ଷରେ ରହିଛି। କମ୍ପାନୀ ଗତ ଆର୍ଥିକ ବର୍ଷର ଏପ୍ରିଲରୁ ଜୁନ୍ ତ୍ରୈମାସିକରେ ୬୮,୯୮୭ ୟୁନିଟ ଯାତ୍ରୀବାହୀ ଯାନ ରପ୍ତାନି କରିଥିଲା। ସେହିଭଳି ହ୍ୟୁଣ୍ଡାଇ ମୋଟର ୨୦୨୩-୨୪ ବର୍ଷରେ ୩୫,୧୦୦ୟୁନିଟ୍ ଗାଡ଼ି ରପ୍ତାନିଚ କରିଥିବା ବେଳେ ୨୦୨୨-୨୩ ବର୍ଷର ସମାନ ଅବଧିରେ ୩୪,୫୨୦ ୟୁନିଟ୍ ଥିଲା। ଏପରିକି କିଆ ଇଣ୍ଡିଆ ୨୨,୫୧୧ ୟୁନିଟ୍ ଗାଡ଼ି ବିଦେଶକୁ ପଠାଇଥିଲାବେଳେ ୨୦୨୨ ସମାନ ଅବଧି ମଧ୍ୟରେ କମ୍ପାନୀ ୨୧,୪୫୯ ୟୁନିଟ୍ ଗାଡ଼ି ରପ୍ତାନୀ କରିଥିଲା।