ଡେରାଡୁନ୍,୧୭।୧୧: ଉତ୍ତରାଖଣ୍ଡର ନୌନିତାଲରେ ଶୁକ୍ରବାର ଏକ ବଡ଼ ସଡ଼କ ଦୁର୍ଘଟଣା ଘଟିଛି। ନୌନିତାଲର ଅଖଳକାଣ୍ଡା ବ୍ଲକର ଛିଡାଖାନା-ରିଠାସାହିବ ମୋଟର ରାସ୍ତାରେ ଏକ ଟ୍ୟାକ୍ସି ଗାଡି ଏକ ଗଭୀର ଖାଲରେ ଖସିପଡିଛି। ଏହି ଦୁର୍ଘଟଣାରେ ୯ ଜଣଙ୍କର ମୃତ୍ୟୁ ହୋଇଛି। ଏଥିସହ ଦୁଇ ଜଣ ଗୁରୁତର ଆହତ ହୋଇଛନ୍ତି। ଗ୍ରାମବାସୀ ଆହତମାନଙ୍କୁ ଖାଇରୁ ବାହାର କରିଥିଲେ। ଦୁର୍ଘଟଣା ସମୟରେ ଗାଡିରେ ୧୧ ଜଣ ଯାତ୍ରୀ ଥିଲେ। ଏହି ଘଟଣା ଶୁକ୍ରବାର ସକାଳ ପ୍ରାୟ ୮ଟା ସମୟରେ ଘଟିଥିବା କୁହାଯାଉଛି।