ଆନନ୍ଦପୁର,୨୭।୨(ସ୍ବ.ପ୍ର.): ଆନନ୍ଦପୁର ବନବିଭାଗ ଗୋଟିଏ ବେଆଇନ ଅଙ୍ଗାର ବୋଝେଇ ପିକ୍ଅପ୍ ଭ୍ୟାନକୁ ଜବତ କରିବା ସହ ଦୁଇ ଜଣଙ୍କୁ ଗିରଫ କରିଛି। ୨୦ନଂ ଜାତୀୟ ରାଜପଥର ଗୋହିରାଠାରେ ଏକ ପିକ୍ଅପ ଭ୍ୟାନକୁ ଅଟକ ରଖାଯାଇ ବନବିଭାଗ ପକ୍ଷରୁ ଯାଞ୍ଚ କରାଯାଇଥିଲା। ଯାଞ୍ଚ ପରେ ବେଆଇନ ଅଙ୍ଗାର ବୋଝେଇ ହୋଇଥିବା ଜାଣିପାରି ବନବିଭାଗ ଗାଡିକୁ ଜବତ କରିଥିଲା। ଏଥରେ ସମ୍ପୃକ୍ତ ଥିବା ଦୁଇ ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା ଆନନ୍ଦପୁର ବନପାଳ ମଳୟ କୁମାର ସାହୁ ସୂଚନା ଦେଇଛନ୍ତି।