ମୁମ୍ବାଇ,୧୨ା୧୨: ନିକଟରେ ଅନ୍ତର୍ଜାତୀୟ ସ୍ତରରେ ପଦାର୍ପଣ କରିଥିବା ଅଲରାଉଣ୍ଡର ଭେଙ୍କଟଶ ଆୟର ଚଣ୍ଡିଗଡ଼ ବିପକ୍ଷ ବିଜୟ ହଜାରେ ମ୍ୟାଚ୍ରେ ଖେଳିଛନ୍ତି ବିସ୍ଫୋରକ ଶତକୀୟ ପାଳି। ମଧ୍ୟପ୍ରଦେଶ ପକ୍ଷରୁ ପ୍ରତିନିଧିତ୍ୱ କରୁଥିବା ଆୟର ୧୧୩ ବଲରେ ୧୫୧ ରନ୍ର ଇନିଂସ ଖେଳିଥିଲେ। ତାଙ୍କ ପାଳିରେ ସାମିଲ ଥିଲା ୮ ଚୌକା ଓ ୧୦ ଛକା। କିନ୍ତୁ ଶତକ ଠାରୁ ଅଧିକ ସ୍ବତନ୍ତ୍ର ଥିଲା ତାଙ୍କ ସେଲିବ୍ରେଶନ। ସେ ସୁପରଷ୍ଟାର ରଜନିକାନ୍ତଙ୍କ ଟ୍ରେଡମାର୍କ ସଲ୍ୟୁଟ ଓ ସନଗ୍ଲାସ ପିନ୍ଧିବାର ଷ୍ଟାଇଲ୍କୁ କପି କରିଥିଲେ। ଏଭଳି କରି ‘ଥଲାଇଭା’ଙ୍କୁ ଜନ୍ମଦିନ ଲାଗି ସେ ଶୁଭେଚ୍ଛା ଦେଇଛନ୍ତି। ଉଲ୍ଲେଖଯୋଗ୍ୟ, ରବିବାର ୭୧ ବର୍ଷରେ ପାଦ ଦେଇଛନ୍ତି ସାଉଥ୍ ସୁରପଷ୍ଟାର।
Our Sunday couldn't get any better! 😍
Can you decode @ivenkyiyer2512's celebration? 🤔#VijayHazareTrophy #MPvUTCA #KKR #AmiKKR #CricketTwitterpic.twitter.com/7wpLMKEJ44
— KolkataKnightRiders (@KKRiders) December 12, 2021
ଆୟରଙ୍କ ୧୫୧ ରନ୍ ପାଳି ଯୋଗୁ ପ୍ରଥମେ ବ୍ୟାଟିଂ କରିଥିବା ମଧ୍ୟପ୍ରଦେଶ ୯ ଉଇକେଟ ହରାଇ ୩୩୧ ରନ୍ କରିଥିଲା। ଜବାବରେ ମନନ ବୋହରା (୧୦୫) ଓ ଅଙ୍କିତ କୌଶିକ (୧୧୧)ଙ୍କ ଶତକୀୟ ଇନିଂସ ସତ୍ତ୍ୱେ ବିଜୟ ଲକ୍ଷ୍ୟଠାରୁ ୬ ରନ୍ ଦୂରରେ ରହି ଯାଇଥିଲା ଚଣ୍ଡିଗଡ଼। ବ୍ୟାଟିଂ ଭଳି ବୋଲିଂରେ ମଧ୍ୟ ୨ ଉଇକେଟ ନେଇଥିଲେ ଭେଙ୍କଟଶ।
