ଗଣିତ ସମାଧାନରେ ଗ୍ରୀକ୍ ଚିହ୍ନ ‘ପାଇ’ ହେଉଛି ଏକ ସ୍ଥିରାଙ୍କ । ଏହା ଦ୍ୱାରା ଜ୍ୟାମିତିକ ଗଣିତରେ ବୃତ୍ତର କ୍ଷେତ୍ରଫଳ ଏବଂ ଗୋଲକର ଆୟତନ ସହିତ ପାର୍ଶ୍ୱପୃଷ୍ଠତଳ ତଥା ସମଗ୍ର ପୃଷ୍ଠତଳର କ୍ଷେତ୍ରଫଳ ଠିକ୍ ଭାବେ ନିର୍ଦ୍ଧାରଣ କରାଯାଇ ପାରିଥାଏ । ଏହା ଏକ ଭଗ୍ନାଂଶ। ଭଗ୍ନାଂଶରେ ଏହାର ମୂଲ୍ୟ ୨୨/୭। ଏହାର ମୂଲ୍ୟ ଦଶମିକରେ ୩.୧୪ ଭାବେ ଗ୍ରହଣ କରାଯାଇଥାଏ। ତେବେ ଏହା ଏକ ନନ୍ ରିକ୍ୟୁରିଂ ଡେସିମାଲ୍। ଗଣିତରେ ଗୁରୁତ୍ୱପୂର୍ଣ୍ଣ ଭୂମିକା ପାଇଁ ମାର୍ଚ୍ଚ ୧୪ରେ ପ୍ରତିବର୍ଷ ‘ପାଇ’ ଦିବସ ପାଳନ କରାଯାଇ ସଚେତନତା ସୃଷ୍ଟି କରାଯାଇଥାଏ। ଦଶମିକ ପରେ ଦୁଇ ସ୍ଥାନ ପର୍ଯ୍ୟନ୍ତ ଏହାର ମୂଲ୍ୟ ଅନୁସାରେ ମାର୍ଚ୍ଚ ବର୍ଷର ତୃତୀୟ ମାସ ଏବଂ ୧୪ ତାରିଖ (୩/୧୪) ଆଧାରରେ ଏହି ଦିବସକୁ ପାଳନ କରାଯିବା ଲାଗି ୧୯୮୮ରେ ଏକ୍ସପ୍ଲୋରାଟୋରିୟମର ଜଣେ କର୍ମଚାରୀ ଲ୍ୟାରି ଶ’ ଯୋଜନା ପରିଥିଲେ ।
ଏହି ଅବସରରେ ପିଠା ଖାଇବା ଏବଂ ପାଇ ରିଟିସନ ପ୍ରତିଯୋଗିତା ଆୟୋଜନ କରାଯାଇଥିଲା। ୨୦୦୯ ମାର୍ଚ୍ଚ ୧୨ରେ ଆମେରିକା ପ୍ରତିନିଧି ସଭା ପକ୍ଷରୁ ଏହି ଦିବସ ପାଳନକୁ ସମର୍ଥନ କରାଯାଇଥିଲା। ୨୦୧୫ ମସିହାରେ ମାର୍ଚ୍ଚ ୧୪କୁ ‘ସୁପର ପାଇ ଡେ’ ଭାବରେ ପାଳନ କରାଯାଇଥିଲା। ଯେହେତୁ ମାସ / ଦିନ / ବର୍ଷ ଫର୍ମାଟ୍ରେ ତାରିଖ ୩/୧୪/୧୫ ଭାବରେ ଲେଖା ହୋଇଛି। ଯାହାକି ପାଇର ରିକ୍ୟୁରିଙ୍ଗ୍ ଡେସିମାଲ୍ର ମୂଲ୍ୟ। ଏହି ଦିବସ ଅବସରରେ ଗଣିତ ସମାଧାନରେ ପାଇର ଗୁରୁତ୍ୱ ସମ୍ପର୍କରେ କାର୍ଯ୍ୟକ୍ରମ ମାନ ଆୟୋଜନ କରାଯାଇଥାଏ।
