ରାୟପୁର,୧୦ା୮: ଛତିଶଗଡ଼ ବିଧାନସଭା ନିର୍ବାଚନ ପୂର୍ବରୁ ବର୍ଷୀୟାନ ଆଦିବାସୀ ନେତା ଅରବିନ୍ଦ ନେତମ୍ କଂଗ୍ରେସ ଦଳର ପ୍ରାଥମିକ ସଭ୍ୟ ପଦରୁ ଇସ୍ତଫା ଦେଇଛନ୍ତି। ଅନ୍ୟପକ୍ଷେ ନଭେମ୍ବରରେ ସର୍ବ ଆଦିବାସୀ ସମାଜ ନେତୃତ୍ୱରେ ନୂଆ ରାଜନୈତିକ ଦଳ ଗଢ଼ିବା ପାଇଁ ସେ ପ୍ରସ୍ତୁତି ଆରମ୍ଭ କରିଦେଇଛନ୍ତି। ଅରବିନ୍ଦ ପୂର୍ବତନ କେନ୍ଦ୍ରମନ୍ତ୍ରୀ ଥିଲେ। ସେ ଦୀର୍ଘଦିନ ଧରି କଂଗ୍ରେସରେ ରହିଥିଲେ। ଆଦିବାସୀମାନଙ୍କ ଦୀର୍ଘଦିନର ଦାବି ଜଳ, ଜଙ୍ଗଲ, ଜମିର ସୁରକ୍ଷା କରିବାରେ ଅନୁସୂଚିତ ଅଞ୍ଚଳ ପଞ୍ଚାୟତ ସମ୍ପ୍ରସାରଣ ଆଇନ (ପିଇଏସ୍ଏ) କାର୍ଯ୍ୟକାରୀ କରିବାରେ କଂଗ୍ରେସ, ଭାଜପା ବିଫଳ ସେ କହିଛନ୍ତି।