ଭୁବନେଶ୍ୱର,୧୨।୧୧(ବ୍ୟୁରୋ): ପଦ୍ମପୁର ଉପନିର୍ବାଚନ ପାଇଁ କଂଗ୍ରେସ ଆପାତତଃ ପ୍ରାର୍ଥୀ ଚୟନ କରିସାରିଛି । ସତ୍ୟଭୂଷଣ ସାହୁ କଂଗ୍ରେସ ପ୍ରାର୍ଥୀ ହେବା ଫାଇନାଲ। ଖୁବଶୀଘ୍ର ବିଧିବଦ୍ଧ ଭାବେ ପ୍ରାର୍ଥୀ ଘୋଷଣା କରାଯିବ ବୋଲି କଂଗ୍ରେସର ବରିଷ୍ଠ ନେତା ତାରାପ୍ରସାଦ ବାହିନୀପତି ଶନିବାର କହିଛନ୍ତି ।
ସେ ଆହୁରି ମଧ୍ୟ କହିଛନ୍ତି, ଦୁଇ ତିନି ଦିନ ଭିତରେ ସତ୍ୟଭୂଷଣ ସାହୁ ନାମାଙ୍କନ ପତ୍ର ଦାଖଲ କରିବେ । କିନ୍ତୁ ସେଠି ନିର୍ବାଚନ ଲଢ଼ିବା ପାଇଁ ଆମ ପାଖରେ ଅର୍ଥର ଅଭାବ ରହିଛି । ଗତ ନିର୍ବାଚନରେ ସେଠୁ ଆମେ ୩୦ ରୁ ୩୫ ହଜାର ଭୋଟ ପାଇଥିଲୁ । ଆମର ଷ୍ଟ୍ରଙ୍ଗ କ୍ୟାଣ୍ଡିଡେଟ ରହିଛନ୍ତି । ତେଣୁ ସେଠି ଭାଜପା-ବିଜେଡି ନୁହେଁ, କଂଗ୍ରେସ ହିଁ ବିଜୟ ଲାଭ କରିବ ।