ଚେନ୍ନାଇ,୩୧।୩: ଆଇପିଏଲ ୨୦୨୫ରେ ଚେନ୍ନାଇ ସୁପର କିଙ୍ଗସ ଲଗାତାର ଦ୍ୱିତୀୟ ପରାଜୟ ବରଣ କରିଛି। ରାଜସ୍ଥାନ ରୟାଲ୍ସ ସିଏସକେକୁ ୬ ରନର ନିକଟତମ ବ୍ୟବଧାନରେ ପରାସ୍ତ କରିଥିଲା। ଏହି ପରାଜୟ ସତ୍ତ୍ୱେ ଧୋନୀ ପଡିଆରେ ହୃଦୟ ଜିତିଥିଲେ। ରାଜସ୍ଥାନ ରୟାଲ୍ସ ଦଳର ମୁଖ୍ୟ କୋଚ ରାହୁଲ ଦ୍ରାବିଡ ଆହତ ହୋଇଛନ୍ତି। ବେଙ୍ଗାଲୁରୁରେ ଏକ କ୍ରିକେଟ ମ୍ୟାଚ ଖେଳୁଥିବା ସମୟରେ ସେ ଆହତ ହୋଇଥିଲେ। IPL 2025 ମ୍ୟାଚ ସମୟରେ ତାଙ୍କର ହ୍ବିଲଚେୟାର କିମ୍ବା ଆଶାବାଡ଼ି ସାହାଯ୍ୟରେ ଚାଲିବାର ଫଟୋ ଲଗାତାର ଭାଇରାଲ ହେଉଛି।
ରାଜସ୍ଥାନ ରୟାଲ୍ସର ୬ ରନରେ ବିଜୟ ପରେ, ଏମଏସ ଧୋନୀ ରାହୁଲ ଦ୍ରାବିଡଙ୍କୁ ଭେଟିବାକୁ ଯାଇଥିଲେ। ଦୁହେଁ କିଛି ସମୟ କଥାବାର୍ତ୍ତା ହୋଇଥିଲେ, ଏହା ପରେ ଅନ୍ୟ CSK ଖେଳାଳିମାନେ ମଧ୍ୟ କିମ୍ବଦନ୍ତୀ କ୍ରିକେଟର ଦ୍ରାବିଡଙ୍କୁ ଭେଟି ତାଙ୍କ ସହ ହାତ ମିଳାଇଥିଲେ। ରାହୁଲଙ୍କୁ ଚାଲିବାରେ କଷ୍ଟ ହେଉଥିବାରୁ ସେ ସିଏସ୍କେ ଖେଳାଳିଙ୍କୁ ତାଙ୍କ ନିକଟକୁ ଆସି ହାତ ମିଳାଇବାକୁ ଇସାରା ଦେଇଥିଲେ।
ଏହି ମ୍ୟାଚ୍ରେ ଚେନ୍ନାଇ ସୁପର କିଙ୍ଗସକୁ ୧୮୩ ରନର ଟାର୍ଗେଟ ପିଛା କରିବାର ଥିଲା। ଋତୁରାଜ ଗାୟକ୍ୱାଡ ୬୩ ରନ କରି ଚେନ୍ନାଇକୁ ବିଜୟର ନିକଟତର କରିବାକୁ ଯଥାସମ୍ଭବ ଚେଷ୍ଟା କରିଥିଲେ କିନ୍ତୁ ବିଫଳ ହୋଇଥିଲେ। ଯେତେବେଳେ ଚେନ୍ନାଇକୁ ୫୪ ରନ ଆବଶ୍ୟକ ଥିଲା ଏବଂ ଅଧିକ ବଲ ବାକି ନ ଥିଲା, ସେତେବେଳେ ଏମଏସ ଧୋନୀ ବ୍ୟାଟିଂ କରିବାକୁ ଆସିଥିଲେ। କିନ୍ତୁ ଏଥର ଥାଲା ୧୧ ବଲ୍ରେ ୧୬ ରନ କରିବା ପରେ ଆଉଟ ହୋଇଥିଲେ। ଫଳସ୍ବରୂପ, CSKକୁ ୬ ରନରେ ନିକଟତର ପରାଜୟର ସମ୍ମୁଖୀନ ହେବାକୁ ପଡିଲା।
Hope the few fellow RR fans stop the dumb agenda against legend of the game Rahul Dravid.
pic.twitter.com/srngE7b4Xs
— Praneesh (@praneeshroyce) March 30, 2025
