ମୁମ୍ବାଇ: ସୋସିଆଲ ମିଡିଆ ଇନଫ୍ଲୁଏନସର କିଲି ପଲଙ୍କର ଆଉ କିଛି ପରିଚୟର ଆବଶ୍ୟକତା ନାହିଁ । ବଲିଉଡ ଗୀତ ପ୍ରତି ତାଙ୍କର ଥିବା ଦୁର୍ବଳାତା ଏବେ କାହାକୁ ଅଛପା ନାହିଁ । କିଲି ପଲ ବଲିଉଡ ଗୀତରେ ଲିପସିଙ୍କ କରି ରାତା ରାତି ଷ୍ଟାର ପାଲଟି ଯାଇଛନ୍ତି । ସୋସିଆଲ ମିଡିଆରେ କିଲିଙ୍କର ଭିଡିଓ ଭାଇରାଲ ହେବାରେ ଲାଗିଛି । ଏହା ଏମିତି ଭାଇରାଲ ହୋଇଛି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବି ତାଙ୍କୁ ନେଇ ଚର୍ଚ୍ଚା କରି ସାରିଛନ୍ତି । ଏବେ ଭାରତ ଆସିଛନ୍ତି କିଲି ପଲ । ଏଠି ତାଙ୍କୁ ଜୋରଦାର ସ୍ୱାଗତ କରାଯାଇଛି । ବହୁଦିନରୁ ଭାରତ ଆସିବାକୁ ଇଚ୍ଛା ରଖିଥିବା କିଲିଙ୍କ ଇଚ୍ଛା ଏବେ ପୂରଣ ହୋଇଛି । ଏବେ ସେ ଭାରତରେ ପାଦ ଦେଇଛନ୍ତି ।
ସୋସିଆଲ ମିଡିଆରେ ଏବେ ଆସିଥିବା ଏକ ଭିଡିଓରେ ଦେଖିବାକୁ ମିଳିଛି ବଲିଉଡ ଅଭିନେତା ରଣବୀର ସିଂ କିଲିଙ୍କୁ ଜବରଦସ୍ତ ଢଙ୍ଗରେ ସ୍ୱାଗତ କରିଛନ୍ତି । ଗୋଟିଏ ମଞ୍ଚରେ ରଣବୀର ଓ କିଲିଙ୍କୁ ଦେଖିବାକୁ ମିଳିଥିବା ବେଳେ ରଣବୀରଙ୍କ ଜୋସ ବି ଦେଖିଲା ଭଳି ହୋଇଛି । ରଣବୀର ମଞ୍ଚରେ ଖୁବ୍ ମସ୍ତି କରୁଛନ୍ତି ତାହା ପୁଣି କିଲିଙ୍କୁ ସ୍ୱାଗତ କରି ।
କିଲିଙ୍କୁ ପାଖରେ ପାଇ ଦର୍ଶକ ତଥା ଶ୍ରୋତା ଯେମିତି ପାଗଳ ହୋଇଯାଇଛନ୍ତି । କେହି କେହି ମୋବାଇଲରେ ଏହି ବିରଳ ମୁହୂର୍ତ୍ତକୁ ମୋବାଇଲରେ କଏଦ କରୁଛନ୍ତି ତ କିଏ ଝୁମି ନାଚି ମଉଜ କରୁଥିବା ଭିଡିଓରେ ଦେଖିବାକୁ ମିଳିଛି ।