ଆଜିକାଲି ସୋସିଆଲ ମିଡିଆରେ ଜଣେ ନାଲି ଶାଢି ପିନ୍ଦା ମହିଳାଙ୍କ ଭିଡିଓ ଭାଇରାଲ ହେବାରେ ଲାଗିଛି। ଭିଡିଓରେ ମହିଳା ଜଣଙ୍କ ଦାନ୍ତରେ ଏଲ୍ପିଜି ସିଲିଣ୍ଡର ଉଠାଉଥିବା ଦେଖାଯାଇଛି। ସମ୍ପୃକ୍ତ ମହିଳାଙ୍କ ନାମ ଶୈଳୀ ଚିକାରା। ଇନ୍ଷ୍ଟାଗ୍ରାମରେ ଶୈଳଙ୍କ ଆଢେଇ ଲକ୍ଷରୁ ଅଧିକ ଫଲୋଅର୍ସ ଅଛନ୍ତି। ଭାଇରାଲ ଭିଡିଓରେ ସେ ଲାଲ୍ ରଙ୍ଗର ଶାଢି ପିନ୍ଧି ଗ୍ୟାସ୍ ସିଲିଣ୍ଡର ଧରି ବ୍ୟାୟାମ କରୁଥିବା ନଜର ଆସିଛନ୍ତି। କିନ୍ତୁ ଏହି ସିଲିଣ୍ଡରରେ ଗ୍ୟାସ୍ ଅଛି କି ନାହିଁ ତାହା ସ୍ପଷ୍ଟ ହୋଇପାରି ନାହିଁ। ଭିଡିଓର ବ୍ୟାକ୍ଗ୍ରାଉଣ୍ଡରେ ହରିୟାଣା ସଙ୍ଗୀତ ବାଜୁଛି। ଅନ୍ୟ ଏକ ଭିଡିଓରେ ମହିଳା ଜଣଙ୍କ ସିଲିଣ୍ଡରକୁ ନିଜ ପେଟ ଉପରେ ରଖି ତା’ପରେ ଏକ ଛୋଟ ପିଲାକୁ ବସାଇ ବ୍ୟାୟାମ କରୁଥିବା ମଧ୍ୟ ଦେଖାଯାଇଛି।