ଅହମଦାବାଦ,୨୨।୧୧ : ତୃତୀୟ ଥର ପାଇଁ ବିଶ୍ୱକପ ଜିତିବାର ଭାରତୀୟ ଦଳର ସ୍ବପ୍ନ ଫାଇନାଲରେ ଅଷ୍ଟ୍ରେଲିଆ ଦ୍ୱାରା ସଫଳ ହୋଇ ପାରି ନାହିଁ। ବର୍ତ୍ତମାନ ପର୍ଯ୍ୟନ୍ତ ପ୍ରଶଂସକମାନେ ଭାରତୀୟ ଦଳର ପରାଜୟକୁ ଭୁଲି ପାରି ନାହାନ୍ତି। ଏବେ ସୋସିଆଲ ମିଡିଆରେ ଅନେକ ଦାବି ହେଉଛି ଫାଇନାଲରେ ଟିମ ଇଣ୍ଡିଆ ସହିତ ପ୍ରତାରଣା କରାଯାଇଛି।
ଟ୍ରାଭିସ ହେଡ ନେଇଥିବା ରୋହିତ ଶର୍ମାଙ୍କ କ୍ୟାଚ ବିଷୟରେ ସୋସିଆଲ ମିଡିଆରେ ଏବେ ଅନେକ ଦାବି କରାଯାଉଛି। କିଛି ପ୍ରଶଂସକ ଦାବତ କରୁଛନ୍ତି ଟ୍ରାଭିସ ଏହି କ୍ୟାଚ ଛାଡିଥିଲେ ମଧ୍ୟ ରୋହିତଙ୍କୁ ଆଉଟ କରା ଯାଇଥିଲା। ତେବେ ଏହି ଦାବିରେ କୌଣସି ସତ୍ୟତା ନାହିଁ।
ୟୁଟ୍ୟୁବ, ଫେସବୁକ, ଇନଷ୍ଟାଗ୍ରାମ ଏବଂ ଏକ୍ସରେ ଥିବା ଅନେକ ଆକାଉଣ୍ଟ ରୋହିତ ଶର୍ମାଙ୍କ ୱିକେଟ ସମ୍ବନ୍ଧରେ ଭିଡିଓ ଶେୟାର କରି ୟୁଜର ଭିନ୍ନ ଭିନ୍ନ ଦାବି କରୁଛନ୍ତି। ଅନେକ ପ୍ରଶଂସକ କହୁଛନ୍ତି ଟ୍ରାଭିସ ହେଡ ରୋହିତଙ୍କୁ କ୍ୟାଚ ଧରି ନ ଥିଲେ ସେ କ୍ୟାଚ ମିସ କରିଥିଲେ ଏବଂ ରୋହିତଙ୍କୁ ଭୁଲ ଭାବରେ ଆଉଟ କରାଯାଇଥିଲା। ଚତୁର୍ଥ ଅମ୍ପାୟାର ପର୍ଯ୍ୟନ୍ତ ଫିଲ୍ଡ ଅମ୍ପାୟାର ଏହାକୁ ଅଣଦେଖା କରିଥିଲେ। ଟ୍ରାଭିସ ହେଡଙ୍କର କ୍ୟାଚ ଡ୍ରପ କରିବାର ଏକ ନକଲି ଭିଡିଓ ମଧ୍ୟ କିଛି ଆକାଉଣ୍ଟ ଦ୍ୱାରା ଶେୟାର କରାଯାଉଛି। ଯାହା ଅନେକ ପ୍ରଶଂସକ ସତ୍ୟ ବୋଲି ବିଶ୍ୱାସ କରୁଛନ୍ତି ଯଦିଓ ସେପରି କିଛି ହୋଇ ନ ଥିଲା ।
ବାସ୍ତବରେ, ସୋସିଆଲ ମିଡିଆରେ ପ୍ରସାରିତ ହେଉଥିବା ଭିଡିଓ ସବୁ ମିଥ୍ୟା ଅଟେ। ପ୍ରକୃତ ଭିଡିଓ ଦେଖିଲା ପରେ ରୋହିତଙ୍କ କ୍ୟାଚ ଧରିବା ବିଷୟରେ ସୋସିଆଲ ମିଡିଆରେ କରାଯାଉଥିବା ସମସ୍ତ ଦାବି ମିଥ୍ୟା ବୋଲି ଜଣାପଡୁଛି। ଆଇସିସି ନିଜେ ଏହି ଶୋ’ର ଭିଡିଓକୁ ସୋସିଆଲ ମିଡିଆ ଆକାଉଣ୍ଟରେ ଶେୟାର କରିଛି।
ମ୍ୟାଚ ସମୟରେ ମଧ୍ୟ ଟ୍ରାଭିସ ହେଡ ନେଇଥିବା ଏହି କ୍ୟାଚର ଭିଡିଓ ଅନେକ ଥର ଦେଖାଯାଇଥିଲା, ଯେଉଁଥିରେ ସ୍ପଷ୍ଟ ଭାବେ ଦେଖାଯାଉଛି ଟ୍ରାଭିସ ରୋହିତଙ୍କ କ୍ୟାଚ ସଠିକ ଭାବେ ଧରିଥିଲେ । କିଛି ୟୂଜର କେତେକ ଆକାଉଣ୍ଟରୁ ଏପରି ମିଥ୍ୟା ସୂଚନା ପ୍ରସାର କରୁଛନ୍ତି।