କଥାରେ ଅଛି, ଇଛା ଥିଲେ, ଉପାୟ ଆପେ ଆପେ ଆସେ। ଏହି ଉକ୍ତିଟିର ଯଥାର୍ଥତା ପ୍ରତିପାଦନ କରିଛନ୍ତି ଜଣେ ଦିବ୍ୟାଙ୍ଗ ଯୁବତୀ। ନିଜ ଅକ୍ଷମତାକୁ ପଛରେ ପକାଇ ଏହି ଯୁବତୀ ଜଣଙ୍କ ହ୍ବିଲ୍ଚେୟାରରେ ବସି ଫୁଡ୍ ଡେଲିଭରୀ କାର୍ଯ୍ୟ କରୁଛନ୍ତି। ଏହି ଯୁବତୀଙ୍କ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଭିଡିଓଟି ଲକ୍ଷ ଲକ୍ଷ ଲୋକଙ୍କ ହୃଦୟକୁ ସ୍ପର୍ଶ କରିଛି।
ସୋସିଆଲ ମିଡିଆରେ ଭାଇରାଲ ହୋଇଥିବା ଏକ ଭିଡିଓରେ ଜଣେ ଦିବ୍ୟାଙ୍ଗ ଯୁବତୀ ସ୍ବିିଗି ସର୍ଭିସ ଟି-ସାର୍ଟ ପିନ୍ଧି ଏକ ମୋଟର ଚାଳିତ ହ୍ବିଲ ଚେୟାରରେ ବସି ଖାଦ୍ୟ ବିତରଣ କରୁଥିବା ଦେଖିବାକୁ ମିଳିଛି। ଏହି ଭିଡିଓଟି ଲିଙ୍କଡିନ୍ରେ ଜଗବିନ୍ଦର ସିଂ ଘୁମାନ ନାମକ ଜଣେ ୟୁଜର୍ସ ଶେୟାର କରିଛନ୍ତି। ଏହି ପୋଷ୍ଟ ଭାଇରାଲ ପରେ ଏବେ ଯୁବତୀ ଜଣଙ୍କ ଇଣ୍ଟରନେଟ୍ ସେନସେସନ୍ ହୋଇଯାଇଛନ୍ତି। ସମସ୍ତେ ତାଙ୍କ ଇଛାଶକ୍ତିକୁ ସଲାମ କରିଛନ୍ତି।