ବେଜିଂ,୨୧।୧୦ : ଚାଇନାର ସବୁଠୁ ବଡ ବିୟର ନିର୍ମାତା ‘ପି-ଗେଟ’ କହିଛି କମ୍ପାନୀର ଏକ କାରଖାନା କର୍ମଚାରୀ କଞ୍ଚା ମାଲ ଉପରେ ପରିସ୍ରା କରୁଥିବା ଭିଡିଓ ସୋସିଆଲ ମିଡ଼ିଆରେ ଭାଇରାଲ ହେବା ପରେ ଏହାର ତଦନ୍ତ ଆରମ୍ଭ କରାଯାଇଥିଲା। ଏହି ଭିଡିଓ ଫୁଟେଜ ଚାଇନାର ସୋସିଆଲ ମିଡିଆ ପ୍ଲାଟଫର୍ମ ୱାଇବୋରେ ବହୁଳ ଭାବରେ ଶେୟାର କରାଯାଇଥିଲା। ଭିଡିଓରେ, ସିଙ୍ଗତାଓ ତୋ ବ୍ରେଓ୍ବେରି କୋ.(Tsingtao Brewery Co) ଗୋଦାମରେ ଜଣେ ପୁରୁଷ କର୍ମଚାରୀ କଞ୍ଚାମାଲ ଥିବା ଏକ କଣ୍ଟେନର ପାତ୍ରରେ ପରିସ୍ରା କରୁଥିବାର ଦେଖାଯାଇଥିଲା ।
ଏହି ଭିଡିଓଟି ଲୋକପ୍ରିୟ ସୋସିଆଲ ମିଡିଆ ପ୍ଲାଟଫର୍ମ ୱାଇବୋରେ ଦଶ ଲକ୍ଷରୁ ଅଧିକ ଭିୟୁ ହାସଲ କରିଛି। ସିଙ୍ଗତାଓ କମ୍ପାନୀ କହିଛି ଏହି ଘଟଣାରେ ପୋଲିସ ସହ ଯୋଗାଯୋଗ କରାଯାଇଛି ଏବଂ ତଦନ୍ତ ଜାରି ରହିଛି।
ବିୟର ନିର୍ମାତା ଏକ ବିବୃତ୍ତିରେ କହିଛି ଅକ୍ଟୋବର ୧୯ ରେ ସିଙ୍ଗତାଓ ବ୍ରେଓ୍ବେରି ନମ୍ବର ୩ରୁ ରେକର୍ଡିଂ ହୋଇଥିବା ସମ୍ପୃକ୍ତ ଭିଡିଓକୁ ଆମର କମ୍ପାନୀ ଅଧିକ ଗୁରୁତ୍ୱ ଦେବା ସହ ସେସେବୁ କଞ୍ଚାମାଲର ବ୍ୟାଚ ସମ୍ପୂର୍ଣ୍ଣ ସିଲ କରାଯାଇଛି। କମ୍ପାନୀ ଏହାର ପରିଚାଳନା ପ୍ରକ୍ରିୟାକୁ ମଜବୁତ କରିବା ସହ ଉତ୍ପାଦର ଗୁଣବତ୍ତା ସୁନିଶ୍ଚିତ କରିବା ଜାରି ରଖିଛି। ସୋସିଆଲ ମିଡିଆ ୟୁଜରମାନେ ଭିଡିଓ ଦେଖି କ୍ରୋଧରେ ଭିନ୍ନ ଭିନ୍ନ ପ୍ରତିକ୍ରିୟା ପ୍ରକାଶ କରିଛନ୍ତି।