ମୁମ୍ବାଇ: ନିଜର ଦମଦାର ଅଭିନୟକୁ ନେଇ ଦର୍ଶକଙ୍କ ନିକଟରେ ଏକ ନିଆରା ପରିଚୟ ସୃଷ୍ଟି କରିଥିବା ଅଭିନେତ୍ରୀ ବିଦ୍ୟା ବଲାନ ଏବେ ନିଜ କ୍ୟାରିୟର ବିଷୟରେ ଖୋଲାଖୋଲି କଥା ହୋଇଛନ୍ତି । ସେ କହିଛନ୍ତି ଏପର୍ଯ୍ୟନ୍ତ ସେ ଯେତୋଟି କ୍ୟାରେକ୍ଟରରେ ଅଭିନୟ କରିଛନ୍ତି ସବୁୁ ଚରିତ୍ରରୁ ସେ କିଛି ନା କିଛି ଶିକ୍ଷା ପାଇଛନ୍ତି । ଯେତେବେଳେ ସେ ୨୦୦୫ରେ ଫିଲ୍ମ ‘ପରିଣିତା’ ମାଧ୍ୟମରେ ବଲିଉଡ୍ରେ ଏଣ୍ଟ୍ରି କରିଥିଲେ ସେତେବେଳେ ସେ ଆଉ ପଛକୁ ଫେରି ଚାହିଁ ନ ଥିଲେ । ଏହାପରେ ସେ ଭୁଲ ଭୁଳେୟା, ନୋ ୱାନ କିଲ୍ଡ ଜେସିକା, ଦ ଡାର୍ଟି ପିକଚର, ପା, କହାନୀ, ଇସକିୟାଁ, ମିଶନ ମଙ୍ଗଲ, ତୁମ୍ବାରି ସୁଲ୍ଲୁ ଓ ଶକୁନ୍ତଳା ଦେବୀ ଭଳି ଚଳଚ୍ଚିତ୍ରରେ ନିଜ ଅଭିନୟର ପାରଦର୍ଶିତା ଦେଖାଇ ଦର୍ଶକଙ୍କ ନିକଟତର ହୋଇ ପାରିଛନ୍ତି । ବିଦ୍ୟାଙ୍କ ମତରେ ସେ ଯଦି ଗୋଟିଏ କ୍ୟାରେକ୍ଟରରେ ୪ ମାସ ପର୍ଯ୍ୟନ୍ତ ବୁଡି ରୁହନ୍ତି ତେବେ ସେଥିରୁ ବାହାରିବା ତ ମୁସ୍କିଲ ହୋଇଯାଏ । ଏହାସହ ସେ ସେହି କ୍ୟାରେକ୍ଟରରୁ କିଛି ନା କିଛି ଶିକ୍ଷା ନିଶ୍ଚୟ କରନ୍ତି । ନିକଟରେ ଆଇଏଏନ୍ଏସ୍କୁ ଦେଇଥିବା ଏକ ସାକ୍ଷାତ୍କାରରେ ସେ ଏହା କହିଛନ୍ତି ।