କେସିଙ୍ଗା,୨୧।୧୨(ଡି.ଏନ.ଏ.): କଳାହାଣ୍ଡି ଜିଲା କେସିଙ୍ଗା ୱାର୍ଡ ନମ୍ବର ୭ ସ୍ଥିତ ଓମନଗର ପଡାରେ ଥିବା ବନବିଭାଗର ରେଞ୍ଜର କେଶବ ମାଝୀଙ୍କ ଘରେ ବୁଧବାର ଭିଜିଲାନ୍ସ ପକ୍ଷରୁ ଚଢାଉ କରାଯାଇଛି। ସ୍ଥାନୀୟ ପୋଲିସ ସହାୟତାରେ ଭିଜିଲାନ୍ସ ଟିମ୍ ଘର ଭିତରେ ପଶି ତନାଘନା ଆରମ୍ଭ କରିଥିଲେ। ଏହି ଚଢାଉରେ ନଗଦ ୬୬ହଜାର ଟଙ୍କା, ସୁନା,ଗାଡି ଅନ୍ୟାନ୍ୟ ମୂଲ୍ୟବାନ ସାମଗ୍ରୀ ଜବତ କରିଛି ଭିଜିଲାନ୍ସ ଟିମ୍।
ମାଲକାନଗିରି ଡିଏସ୍ପି ସୁଶାନ୍ତ ବିଶ୍ୱାଳ, ଭବାନୀପାଟଣା ଡିଏସ୍ପି ସଦାନନ୍ଦ ପାଢ଼ୀ ଏବଂ ନବରଙ୍ଗପୁର ଡିଏସ୍ପି କଳାବତୀ ବାଗ, ଇନ୍ସପେକ୍ଟର ପ୍ରମିଳା ସୁନା,ଆଲୋକ ମହାପାତ୍ରଙ୍କ ସମେତ ୧୨ ଜଣିଆ ଟିମ୍ ଚଢାଉରେ ସାମିଲ ଥିଲେ।