ନୟାଗଡ଼,୭।୯ (ଲୋକନାଥ ମିଶ୍ର): ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭୁବନେଶ୍ୱର ଭିଜିଲାନ୍ସ ବିଭାଗ ପକ୍ଷରୁ ଖୋର୍ଦ୍ଧା ଜିଲା ବାଲୁଗାଁ ଅବକାରୀ ଏଏସ୍ଆଇଙ୍କ ନୟାଗଡ଼ ପୁରୁଣା ସହର ଶଗଡିଆ ସାହିସ୍ଥ ବାସଭବନ, ବାଲୁଗାଁ ଭଡ଼ା ଘର ସମେତ କାର୍ଯ୍ୟାଳୟରେ ଗୁରୁବାର ଚଢ଼ାଉ ଜାରି ରହିଛି। ୪ ଡିଏସ୍ପି ଓ ୬ ଇନ୍ସ୍ପେକ୍ଟର ଏହି ଚଢ଼ଉରେ ସାମିଲ ଅଛନ୍ତି। ପୂର୍ବରୁ ସୁଦୀପ୍ତ ନୟାଗଡ଼ ଅବକାରୀ ବିଭାଗର କନେଷ୍ଟବଳ ଭାବେ କାର୍ଯ୍ୟ କରୁଥିଲେ । ଅଧିକ ପରିମାଣର ମଦ ଜବତ କରି ସ୍ବଳ୍ପ ପରିମାଣ ଦେଖାଇବା ଅଭିଯୋଗରେ ସେ ନୟାଗଡରେ ସସପେଣ୍ଡ ହୋଇଥିଲେ। ତେବେ ବର୍ତ୍ତମାନ ଯାଏ କେତେ ପରିମାଣର ସମ୍ପତ୍ତି ଜବତ ହୋଇଛି ସେନେଇ ସ୍ପଷ୍ଟ ସୂଚନା ମିଳିନାହିଁ । ଚଢାଉ ଶେଷ ପରେ ରେଡ୍ ନେଇ ସବିଶେଷ ତଥ୍ୟ ଭିଜିଲାନ୍ସ ପକ୍ଷରୁ ଦିଆଯିବ ବୋଲି କୁହାଯାଇଛି।
