ଖୋର୍ଦ୍ଧା ଅଫିସ, ୧୧।୮: ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ସୋମବାର ଭୁବନେଶ୍ୱର ଭିଜିଲାନ୍ସ ବିଭାଗ ପକ୍ଷରୁ ବାଲୁଗାଁ ଚିଲିକା ବନ୍ୟପ୍ରାଣୀ ଡିଭିଜନର ବାଲୁଗଁା ଡିଏଫ୍ଓ ଆଲୋକ ରଞ୍ଜନ ହୋତାଙ୍କ କାର୍ଯ୍ୟାଳୟ ସମେତ ଭୁବନେଶ୍ୱରସ୍ଥ ବାସଭବନ, ଜଗତ୍ସିଂହପୁର ଚାଷୀଖଣ୍ଡସ୍ଥିତ ଘର ଏବଂ ସମ୍ପର୍କୀୟଙ୍କ ଘରେ ଚଢ଼ାଉ କରାଯାଇଛି। ହୋତାଙ୍କ ସମ୍ପତ୍ତି ବାବଦକୁ ୧କୋଟି ୩୨ହଜାର ୫୫୧ଟଙ୍କା ଠାବ ହୋଇଛି। ସେଥିରୁ ଚନ୍ଦ୍ରଶେଖପୁରସ୍ଥିତ ତିନି ମହଲା କୋଠା, ଯାହାର ମୂଲ୍ୟ ୫୦ଲକ୍ଷ ୭୩ହଜାର ୮୮୪ଟଙ୍କା, ଡୁମୁଡୁମାସ୍ଥିତ ଏକ ମହଲା କୋଠା ୭ଲକ୍ଷ ୫୦ହଜାର, ଜମିଜମା ମୂଲ୍ୟ ୯୧ହଜାର ୮୧୯, ଚାରିଚକିଆ ଯାନ ୬ଲକ୍ଷ ୫୨ହଜାର ୫୭୦, ବିଭିନ୍ନ ବ୍ୟାଙ୍କରେ ଥିବା ୫ଲକ୍ଷ ୫୪ହଜାର ୨୧୦, ବୀମା୧୧ଲକ୍ଷ ୭୮ହଜାର ୪୯୯, ମ୍ୟୁଚୁଆଲ ଫଣ୍ଡ ୪ଲକ୍ଷ ୧୩ହଜାର, ୨ଟି ବାଇକ୍ ୯୫ହଜାର, ଅଳଙ୍କାର୧ଲକ୍ଷ ୮୦ହଜାର ୫ଶହ, ୧ଲକ୍ଷ ୭ହଜାର ୩ଶହ ଟଙ୍କା ଓ ଘରୋଇ ସାମଗ୍ରୀ ୯ଲକ୍ଷ ୩୫ହଜାର ୭୬୯ଟଙ୍କା ଭିଜିଲାନ୍ସ ଠାବ କରିଛି।
