ବ୍ରହ୍ମଗିରି,୧୨।୧(ଡି.ଏନ୍.ଏ): ପୁରୀ ଜିଲା ବ୍ରହ୍ମଗିରି ଥାନା ଅନ୍ତର୍ଗତ ଖଟପିରିଙ୍ଗ ଗ୍ରାମର ଅବସରପ୍ରାପ୍ତ ଅତିରିକ୍ତ ରେଜିଷ୍ଟାର (କୋପର୍ଟିଭ୍ ସୋସାଇଟି)ରାଜକିଶୋର ପରିଡାଙ୍କ ଘରେ ବୁଧବାର ଭିଜିଲାନ୍ସ ପକ୍ଷରୁ ଚଢ଼ାଉ ଜାରି ରହିଛି। ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ତାଙ୍କର ପୁରୀ, ଭୁବନେଶ୍ୱର, ବାରିପଦା, ବ୍ରହ୍ମଗିରି କଲେଜ ଛକ, ପୈତୃକ ବାସଭବନ ବ୍ରହ୍ମଗିରି ଖଟ ପିରୀଙ୍ଗି ଆଦି ପାଞ୍ଚଟି ସ୍ଥାନରେ ଏକକାଳୀନ ଚଢ଼ାଉ ଜାରି ରହିଛି। ଏଆର୍ସିଏସ୍ ରାଜ କିଶୋର ପୁରୀ ବାସଭବନରେ ଉପସ୍ଥିତ ଥିବା ବେଳେ ଭିଜିଲାନ୍ସ ଚଢ଼ାଉ କରିିଛି । ବ୍ରହ୍ମଗିରି ଓ ତାଙ୍କ ପୈତୃକ ଘର ଖଟ ପିରୀଙ୍ଗିରେ ମଧ୍ୟ ଏକ ଟିମ ଚଢାଉ ଜାରି ରଖିଛନ୍ତି । ୬ ଜଣିଆ ଟିମ୍ ବ୍ରହ୍ମଗିରୀ ଘରେ ଚଢ଼ାଉ କରିଛି। ୨ ଜଣ ଭିଜିଲାନ୍ସ ଇନ୍ସପେକ୍ଟର ସରିତା ତ୍ରିପାଠୀ ଓ ଚନ୍ଦ୍ରକଳା ଜେନା ନେତୃତ୍ୱରେ ଜଣେ ସବ ଇନ୍ସପେକ୍ଟର,୨ ଜଣ ଟେକ୍ନିକାଲ ଅଫିସର ସମେତ ୬ ଜଣ ଏହି ଟିମ୍ରେ ସାମିଲ ଅଛନ୍ତି l
