ନୂଆଦିଲ୍ଲୀ,୭।୨(ପି.ଟି.): ଦେଶର ସର୍ବବୃହତ୍ ଦିନିକିଆ ଘରୋଇ ଟୁର୍ନାମେଣ୍ଟ ବିଜୟ ହଜାରେ ଟ୍ରଫି ଆସନ୍ତା ଫେବୃୟାରୀ ୨୦ରୁ ଆରମ୍ଭ ହୋଇ ମାର୍ଚ୍ଚ ୧୪ରେ ଶେଷ ହେବ। ଦେଶର ୬ଟି ସହରର ଭେନ୍ୟୁରେ ମ୍ୟାଚ୍ ଆୟୋଜନ ହେବ। ଦଳଗୁଡିକ ୧୩ରୁ ବାୟୋ ବବଲରେ ପ୍ରବେଶ କରିବେ ଓ ୩ଟି କୋଭିଡ୍-୧୯ ପରୀକ୍ଷାର ସମ୍ମୁଖୀନ ହେବେ। ସୁରଟ, ଇନ୍ଦୋର, ବେଙ୍ଗାଲୁରୁ, କୋଲକାତା, ଜୟପୁର, ଚଣ୍ଡିଗଡ଼ରେ ମ୍ୟାଚ୍ଗୁଡିକ ଖେଳାଯିବ। ସେହିପରି ପ୍ଲେଟ ଗ୍ରୁପ୍ର ୮ଟି ଦଳଗୁଡିକ ତାମିଲନାଡୁର ବିଭିନ୍ନ ଗ୍ରାଉଣ୍ଡରେ ସେମାନଙ୍କର ମ୍ୟାଚ୍ ଖେଳିବେ। ଟୁର୍ନାମେଣ୍ଟର ନକ୍ ଆଉଟ୍ ମ୍ୟାଚ୍ଗୁଡିକ ମାର୍ଚ୍ଚ ୭ ତାରିଖରୁ ଆରମ୍ଭ ହେବ।
ଅଂଶଗ୍ରହଣ କରିବାକୁ ଥିବା ଦଳଗୁଡିକୁ ବିଭିନ୍ନ ଗ୍ରୁପ୍ରେ ବିଭକ୍ତ କରାଯାଇଛି। ଗ୍ରୁପ୍ ସି’ରେ ଓଡ଼ିଶା ସାମିଲ ହୋଇଛି। ଓଡ଼ିଶା ସମେତ ଗ୍ରୁପ୍ ସି’ରେ କର୍ନାଟକ, ଉତ୍ତରପ୍ରଦେଶ, କେରଳ, ରେଲଓ୍ବ ଓ ବିହାର ପ୍ରଭୃତି ୬ଟି ଦଳ ସାମିଲ ରହିଛନ୍ତି।
ଏଲିଟ୍ ଗ୍ରୁପ୍ ଏ’: ଗୁଜରାଟ, ଛତିଶଗଡ଼, ହାଇଦ୍ରାବାଦ, ତ୍ରିପୁରା, ବରୋଦା ଓ ଗୋଆ। ଭେନ୍ୟୁ- ସୁରଟ।
ଗ୍ରୁପ୍ ବି’: ତାମିଲନାଡୁ, ପଞ୍ଜାବ, ଝାଡ଼ଖଣ୍ଡ, ମଧ୍ୟପ୍ରଦେଶ, ବିଦର୍ଭ ଓ ଆନ୍ଧ୍ରପ୍ରଦେଶ। ଭେନ୍ୟୁ- ଇନ୍ଦୋର।
ଗ୍ରୁପ୍ ସି’: କର୍ନାଟକ, ଉତ୍ତରପ୍ରଦେଶ, କେରଳ, ଓଡ଼ିଶା, ରେଲଓ୍ବେ ଓ ବିହାର।
ଭେନ୍ୟୁ- ବେଙ୍ଗାଲୁରୁ।
ଗ୍ରୁପ ଡି’: ଦିଲ୍ଲୀ, ମୁମ୍ବାଇ, ମହାରାଷ୍ଟ୍ର, ହିମାଚଳ ପ୍ରଦେଶ, ରାଜସ୍ଥାନ, ପୁଡୁଚେରୀ। ଭେନ୍ୟୁ- ଜୟପୁର।
ଗ୍ରୁପ୍ ଇ’: ସର୍ଭିସେସ, ଜମ୍ମୁ ଓ କଶ୍ମୀର, ସୌରାଷ୍ଟ୍ର, ହରିୟାଣା ଓ ଚଣ୍ଡିଗଡ଼। ଭେନ୍ୟୁ- ଚଣ୍ଡିଗଡ଼।
ପ୍ଲେଟ୍ ଗ୍ରୁପ୍: ଉତ୍ତରାଖଣ୍ଡ, ଆସାମ, ନାଗାଲାଣ୍ଡ, ମେଘାଳୟ, ମଣିପୁର, ଅରୁଣାଚଳ ପ୍ରଦେଶ, ମିଜୋରାମ ଓ ସିକ୍କିମ।