ମୁମ୍ବାଇ: ସାଉଥ୍ ସୁପରଷ୍ଟାର ବିଜୟ ଦେବରକୋଣ୍ଡା ତାଙ୍କ ଫ୍ୟାନ୍ସଙ୍କ ପାଇଁ କିଛି ନା କିଛି କରିଥା’ନ୍ତି। ତେବେ ସେ ଏହି ବଡ଼ଦିନରେ ଫ୍ୟାନ୍ସଙ୍କୁ ଏକ ଗିଫ୍ଟ ଦେଇ ଧନ୍ୟବାଦ ଦେଇଛନ୍ତି। ସେ ନିଜ ପକ୍ଷରୁ ତାଙ୍କର ୧୦୦ ଫ୍ୟାନ୍ସଙ୍କ ପାଇଁ ଟ୍ରିପ୍ରେ ପଠାଇବା ପାଇଁ ଘୋଷଣା କରିଛନ୍ତି। ତାଙ୍କର ଏହି ଘୋଷଣା ପରେ ଅଧିକ ଭାଇରାଲ୍ ହେବାରେ ଲାଗିଛି। ୫ ବର୍ଷ ପୂର୍ବେ ବିଜୟ ଏକ ପରମ୍ପରା ଆରମ୍ଭ କରିଥିଲେ। ସେବେଠାରୁ ସେ ଏହାକୁ ପାଳନ କରିଆସୁଛନ୍ତି। ଚଳିତ ୨୫ ତାରିଖକୁ ସେହି ପରମ୍ପରାକୁ ୫ ବର୍ଷ ପୂରଣ ହେଉଥିବାରୁ ସେ କିଛି ନୂଆ କରିବାକୁ ଭାବି ତାଙ୍କ ଫ୍ୟାନ୍ସଙ୍କ ପାଇଁ ଏପରି ଟ୍ରିପ୍ର ଆୟୋଜନ କରିଛନ୍ତି। ତେବେ ସେ ଏଥିପାଇଁ ମାଉଣ୍ଟେନ୍ ଅଫ୍ ଇଣ୍ଡିଆ, ବିଚେସ୍ ଅଫ୍ ଇଣ୍ଡିଆ, କଲ୍ଚର ଟ୍ରିପ ଅଫ୍ ଇଣ୍ଡିଆ, ଡେଜର୍ଟ ଇନ୍ ଇଣ୍ଡିଆ ଇତ୍ୟାଦି ୪ଟି ଜାଗା ନିରୂପଣ କରିଛନ୍ତି, କିନ୍ତୁ କେଉଁ ଜାଗା ସ୍ଥିର କରିବେ ସେ ସେଥିପାଇଁ ମତାମତ ମାଗିଛନ୍ତି। ଏଥିରେ ଫ୍ୟାନ୍ସମାନେ ଅନେକ ଜବାବ ଦେଇଛନ୍ତି। ତେବେ ବିଜୟଙ୍କୁ ଫିଲ୍ମ ଲାଇଗର୍ରେ ଶେଷଥର ପାଇଁ ଦେଖିବାକୁ ମିଳିଥିଲା। ଏହା ପୂର୍ବରୁ ସେ ଅନେକ ଫିଲ୍ମରେ ତାଙ୍କ ଅଭିନୟର ଯାଦୁ ଦେଖାଇଛନ୍ତି।