ଉଜୈନ,୧୪।୭: ଗତ ଶୁକ୍ରବାର ଦିନ କାନପୁରରେ ପୋଲିସର ଏନକାଉଣ୍ଟରରେ ନିହତ ହୋଇଥିବା ଗ୍ୟାଙ୍ଗଷ୍ଟର ବିକାଶ ଦୁବେ ଉଜୈନରେ ଦୁଇ ତିନି ଦିନ ରହିବାକୁ ଯୋଜନା ପ୍ରସ୍ତୁତ କରିଥିଲେ। ବିକାଶଙ୍କୁ ଉଜୈନର ମହାକାଳ ମନ୍ଦିରକୁ ନେଇ ଯାଇଥିବା ଅଟୋ ଡ୍ରାଇଭର ବଣ୍ଟି ପୋଲିସକୁ ଏନେଇ ତଥ୍ୟ ପ୍ରଦାନ କରିଛନ୍ତି। ପୋଲିସ ବଣ୍ଟିଙ୍କୁ ପ୍ରାୟ ୨୪ ଘଣ୍ଟା ଧରି ପଚରାଉଚରା ପରେ ପୋଲିସ ଛାଡି ଦେଇଥିଲା। ବିକାଶ ଦୁବେ ଏନକାଉଣ୍ଟର ଗୋଟିଏ ଦିନ ପୂର୍ବରୁ ମହାକାଳ ମନ୍ଦିର କମ୍ପ୍ଲେକ୍ସରୁ ଗିରଫ କରାଯାଇଥିଲା। ବିକାଶ ସକାଳ ୩.୫୫ରେ ରାଜସ୍ଥାନରୁ ଆସିଥିବା ବାବୁ ଟ୍ରାଭେଲ୍ସ ବସରୁ ଓହ୍ଲାଇ ବିକାଶ ଦୁବେ ବଣ୍ଟିଙ୍କ ଅଟୋରେ ମନ୍ଦିର ଯାଇଥିଲେ। ଭଡା ଆକରରେ ସେ ତାଙ୍କୁ ୫୦ ଟଙ୍କା ଦେଇଥିଲେ। ଉଜୈନରେ ବିକାଶ ୨-୪ଦିନ ରହିବାର ପ୍ଲାନ କରୁତତ୍ବା ମଧ୍ୟ ଅଟୋ ଡ୍ରାଇଭରଙ୍କୁ କହିଥିଲେ। ସେଠାକାର ହୋଟେଲ ବ୍ୟବସ୍ଥା ଏବଂ ପରିଚୟ ପତ୍ର ବିଷୟରେ ପଚାରିଥିଲେ। ସୂଚନାଯୋଗ୍ୟ, ଉତ୍ତର ପ୍ରଦେଶର କାନପୁରରେ ୮ ପୋଲିସକର୍ମୀଙ୍କୁ ହତ୍ୟା କରିବା ପରେ ଉଜୈନ ଖସି ପଳାଇଥିଲେ ବିକାଶ ଦୁବେ। ସେଠାରୁ ପୋଲିସ ତାଙ୍କୁ ଗିରଫ କରି କାନପୁର ଆଣୁଥିବାବେଳେ ବାଟରେ ଏନକାଉଣ୍ଟର କରାଯାଇଥିଲା।
