ବମ୍ବେ: ହିନ୍ଦି ତଥା ମରାଠୀ ସିନେମାର ଜଣାଶୁଣା ଅଭିନେତା ବିକ୍ରମ ଗୋଖଲେ ଆଉ ନାହାନ୍ତି। ୭୫ ବର୍ଷ ବୟସରେ ଶନିବାର ତାଙ୍କର ପରଲୋକ ଘଟିଛି। ଦୀର୍ଘଦିନ ଧରି ସେ ଅସୁସ୍ଥ ଥିବା ବେଳେ ପୁଣେର ଏକ ଡାକ୍ତରଖାନାରେ ଚିକିତ୍ସିତ ହେଉଥିଲେ। ସେଠାରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି। ଏହି ଖବର ଜଣାପଡ଼ିବା ପରେ ମନୋରଞ୍ଜନଜଗତରେ ଶୋକର ଛାୟା ଖେଳିଯାଇଛି। ସୋସିଆଲ ମିଡିଆରେ କଳାକାରଙ୍କ ସହ ବହୁ ମାନ୍ୟଗଣ୍ୟ ବ୍ୟକ୍ତି ତାଙ୍କୁ ମନେପକାଉଥିବା ଦେଖାଯାଉଛି।
ଅଭିନେତା ଅକ୍ଷୟ କୁମାର କହିଛନ୍ତି, ବିକ୍ରମ ଜୀଙ୍କ ମୃତ୍ୟୁ ବିଷୟରେ ଜାଣି ବହୁତ ଦୁଃଖ ଲାଗିଲା। ତାଙ୍କ ସହ ଭୁଲ ଭୁଲୈୟା, ମିଶନ ମଙ୍ଗଲ ଭଳି ଫିଲ୍ମରେ କାମ କରିଥିଲି। ବହୁତ କିଛି ଶିଖିବାକୁ ମିଳିଥିଲା। ଓମ୍ ଶାନ୍ତି।
ଭୋଜପୁରୀ ଫିଲ୍ମର ଲୋକପ୍ରିୟ ଅଭିନେତା ତଥା ଭାଜପା ଏମ୍ପି ରବି କିଶନ କହିଛନ୍ତି, ମୋର ପସନ୍ଦର କଳାକାର ବିକ୍ରମ ଗୋଖଲେ ଜୀ ଆଉ ନାହାନ୍ତି। ମହାଦେବ ତାଙ୍କୁ ନିଜ ପୟରେ ଶରଣ ଦିଅନ୍ତୁ। ଓମ୍ ଶାନ୍ତି।
ସେହିଭଳି ଫିଲ୍ମନିର୍ମାତା ଅଶୋକ ପଣ୍ଡିତ, ଅଭିନେତା ମନୋଜ ବାଜପେୟୀ, ଅନୁପମ ଖେର ପ୍ରମୁଖ ବିକ୍ରମଙ୍କୁ ମନେ ପକାଇଛନ୍ତି। ଦେଖନ୍ତୁ ଟୁଇଟ୍:-