ଆର,ଉଦୟଗିରି, ୫।୫(ମନୋଜ କୁମାର ପାଢୀ): ପାଣି ପାଇଁ ରାସ୍ତା ରୋକେ କଲେ ଆର,ଉଦୟଗିରି ବ୍ଳକର ଛେଳିଗଡ ଗ୍ରାମବାସୀ। ଗ୍ରାମର ଖ୍ରୀଷ୍ଟିଆନ୍ ସାହି ଲୋକମାନଙ୍କୁ କିଛି ଦିନ ହେବ ଜଳ ଯୋଗାଣରେ ସମସ୍ୟାର ସମାଧାନ ନ ହେବାରୁ ସାହିବାସିନ୍ଦା ରବିବାର ସକାଳ ୬ଟା ରୁ ଛେଳିଗଡରୁ ବ୍ରହ୍ମପୁର ଓ ପାରଳାଖେମଣ୍ଡି ମୁଖ୍ୟ ରାସ୍ତା ରାଜପଥ ୩୨୬ ନମ୍ବର ରାସ୍ତା ଉପରେ ସାହିର ମହିଳାମାନେ ହାଣ୍ଡି, ଗୋରା, ମାଠିଆ ଓ ବାଲଟି ରଖି ରାସ୍ତା ଅବରୋଧ କରିଥିଲେ।
ଯାହାଫଳରେ ଅଞ୍ଚଳର ଯାତ୍ରୀବାହୀ ,ବସ୍ ଗୁଡିକ ଯାତାୟତ ଠପ୍ ହୋଇଯାଇଛି। ସାହିର ମହିଳା ପୁରୁଷ ଏକ ସ୍ବରରେ ପାଣି ନ ମିଳିବା ପର୍ଯ୍ୟନ୍ତ ରାସ୍ତା ଅବରୋଧ ହଟିବ ନାହିଁ ବୋଲି ଅଡିବସିଥିଲେ। ଖବର ପାଇ ଆର,ଉଦୟଗିରି ଥାନା ଅଧିକାରୀ ତାଙ୍କ ଷ୍ଟାପ ଧରି ପହିଞ୍ଚିଥିଲେ ତାହାସହ ସ୍ଥାନୀୟ ପଞ୍ଚାୟତ ସରପଞ୍ଚ ଓ ବ୍ଳକ ଉପାଧ୍ୟକ୍ଷ ବିଜୟଲକ୍ଷୀ ପଟନାୟକ ଅବରୋଧ ସ୍ଥାନରେ ପହଞ୍ଚି ସାହିର ମହିଳା ପୁରୁଷ ବହୁବୁଝା କରି ସହ ୪ଦିନ ମଧ୍ୟ ସାହିର ଯେଉଁ ପାଣି ଯୋଗାଣ ସମସ୍ୟା ଅଛି ସମାଧାନ କରାଯିବ ବୋଲି ପ୍ରତିଶୃତି ପରେ ପୂର୍ବାହ୍ନ ୧୧ ଟା ସମୟରେ ରାସ୍ତାରୋକ ଅଟିଥିଲା ।