ପାଟଣା,୨୪।୫(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ନିର୍ବଚନ ମଣ୍ଡଳୀରେ ଷଷ୍ଠ ପର୍ଯ୍ୟାୟରେ ମତଦାନ ଶନିବାର ଅନୁଷ୍ଠିତ ହେବ। ନିର୍ବାଚନର ୨ଦିନ ପୂର୍ବରୁ ଗୁରୁବାର ଦ୍ୱିପ୍ରହରରୁ ନିର୍ବାଚନ ମଣ୍ଡଳୀର ବିଭିନ୍ନ ସ୍ଥାନରେ ବିଭିନ୍ନ ଦଳ ପକ୍ଷରୁ ଭୋଟରଙ୍କୁ ଟଙ୍କା ବଣ୍ଟା ଯାଇଥିବା ଖବର ଆସୁଥିବା ବେଳେ ପାଟଣା ନିର୍ବାଚନ ମଣ୍ଡଳୀରେ ଏଭଳି ଏକ ଟଙ୍କା ବଣ୍ଟା ଭିଡ଼ିଓ ମୋବାଇଲରୁ ମୋବାଇଲକୁ ଭାଇରାଲ ହେବାରେ ଲାଗିଛି।
କେନ୍ଦୁଝର ଜିଲା ପାଟଣା ନିର୍ବାଚନ ମଣ୍ଡଳୀର ରାଜନଗର ପଞ୍ଚାୟତରେ ଏକଗ୍ରାମରେ ନିର୍ଦ୍ଦିଷ୍ଟ ଦଳ ପକ୍ଷରୁ ଖୁଲମଖୋଲା ୫ ଶହ ଟଙ୍କାବିଡା ଧରି ଗାଁ ଦାଣ୍ଡରେ ଟଙ୍କା ବାଣ୍ଟିବାକୁ ଯାଉଥିବା ଭିଡ଼ିଓ ଏବେ ମୋବାଇଲରୁ ମୋବାଇଲ ଭାଇରାଲ ହେବାରେ ଲାଗିଛି। ଭିଡ଼ିଓରେ ଯୁବକ ଜଣକ ହାତରେ ଟଙ୍କା ଧରିଥିବା ବେଳେ ଅନ୍ୟ ଜଣେ ଯୁବକ ଖାତା ଓ ପେନ ଧରିଛନ୍ତି। ଯୁବକ ଦୁଇ ଜଣ ଗାଁ ମଝିରେ ଟଙ୍କା ଦେବାକୁ ଆସିଥିବା ବେଳେ ଆଉ ୨ଜଣ ଯୁବକ ବ୍ୟକ୍ତିଗତ ଭାବେ ଟଙ୍କା ନ ଦେଇ ଆଗ ଆମ ଅନୁଷ୍ଠାନକୁ ଦିଅ ତାପରେ ଲୋକଙ୍କୁ ଟଙ୍କା ବାଣ୍ଟିବ ବୋଲି କହିଥିଲେ। ଏହାପରେ ଟଙ୍କା ବାଣ୍ଟୁ ଥିବା ଉପରୁ ଭୋଟର ଜଣ ଜଣଙ୍କୁ ଟଙ୍କା ଦେବା ପାଇଁ ନିର୍ଦ୍ଦେଶ ଅଛି। ଆମେ ତୁମମାନଙ୍କ କଣ୍ଡିସନ ଜଣାଇଦେବୁ କହିଥିଲେ। ସଂଘକୁ ଟଙ୍କା ନ ଦେଇ ତୁମେ ଘର ଘର ଟଙ୍କାବାଣ୍ଟି ପାରିବ ନାହିଁ। ତୁମେ ଗାଁରୁ ଚାଲିଯାଅ କହିଥିଲେ। ଗ୍ରାମର କିଛି ସଚେତନ ନାଗରିକ ଏପରି ଟଙ୍କା ବଣ୍ଟାକୁ ବିରୋଧ କରିଥିବା ଭିଡିଓରେ ମଧ୍ୟ ଦେଖିବାକୁ ମିଳିଛି।