ଦଶମନ୍ତପୁର, ୩୧ା୧୨ ( ଡି.ଏନ୍.ଏ.): କୋରାପୁଟ ଜିଲା ଦଶମନ୍ତପୁର ବ୍ଲକ ଅନ୍ତର୍ଗତ ଏ.ମାଲକାନଗିରି ପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ମାଣ୍ଡିଆ କିଣାକୁ ଗ୍ରାମବାସୀ ବିରୋଧ କରିଛନ୍ତି। ଖବରପାଇ ପୋଲିସ ପହଞ୍ଚତ୍ ୬ ବସ୍ତା ମାଣ୍ଡିଆ ଏବଂ ଏକ ଭ୍ୟାନ(ଓଡି ୧୦ ବି-୮୫୦୦)କୁ ଜବତ କରିଛି। ଅନ୍ୟ ପକ୍ଷରେ ଶୁକ୍ରବାର ଏ.ମାଲକାନଗିରିର ବାବୁଲା କୁଲଦୀପ ଓ ୱର୍ଡସଭ୍ୟ ଦୈତାରି ଗୌଡ ପଞ୍ଚାୟତ କର୍ମଚାରୀଙ୍କ ନାଁରେ ଏତଲା ଦେଇଥିବା ଜଣାପଡ଼ିଛି। ଖବରରୁ ଜଣାପଡିଛି ଗୁରୁବାର ପଞ୍ଚାୟତ କାର୍ଯ୍ୟାଳୟଠାରେ ବିପିଏଲ୍ ହିତାଧିକାରୀଙ୍କୁ ପିଡିଏସ୍ ମାଣ୍ଡିଆ ବଣ୍ଟନ କରାଯାଉଥିଲା। କେତେକ ହିତାଧିକାରୀ ମାଣ୍ଡିଆ ଭଲ ନ ଥିବା କହି ପଞ୍ଚାୟତ କାର୍ଯ୍ୟାଳୟଠାରୁ ୫୦ ମିଟର ଦୂରରେ ବ୍ୟବସାୟୀମାନଙ୍କୁ ଏହା ବିକ୍ରି କରି ଚାଲି ଯାଉଥିଲେ। ପଞ୍ଚାୟତ ନିକଟରେ ମାଣ୍ଡିଆ କାହିଁକି କିଣାଯାଉଛି ବୋଲି ୱର୍ଡସଭ୍ୟ ଦୈତାରି ବିରୋଧ କରିଥିଲେ। ଏସମ୍ପର୍କରେ ପିଇଓ ସୁଶାନ୍ତ ଶତପଥୀ ଓ ଯୋଗାଣ ସହାୟକ ବାବୁଲି ଖରାଙ୍କୁ ପଚାରିବାରୁ ସେମାନେ କହିଛନ୍ତ, ଗୁରୁବାର କାଉଗୁଡା, ଆଡମୁଣ୍ଡା, ମୁସଲମୁଣ୍ଡା, କଡମା ଝୋଲା ଗ୍ରାମର ହିତାଧିକାରୀଙ୍କୁ ମୁଣ୍ଡ ପିଛା ୫ କିଲୋ ଲେଖାଏ ମାଣ୍ଡିଆ ପ୍ରଦାନ କରାଯାଇଥିଲା। ହେଲେ ହିତାଧିକାରୀମାନେ ସେହି ମାଣ୍ଡିଆ କିବ୍ରି କଲେ କି ଘରକୁ ନେଇ ଗଲେ ଆମକୁ ଜଣା ନାହିଁ।