ଲକ୍ଷ୍ନୌ, ୧୯।୯: ଲିଜେଣ୍ଡ୍ସ ଲିଗ୍ କ୍ରିକେଟର ରବିବାର ଅନୁଷ୍ଠିତ ଏକ ମ୍ୟାଚ୍ରେ ଭିଲ୍ଓ୍ବାରା କିଙ୍ଗ୍ସ ୩ ଉଇକେଟରେ ମନିପାଲ ଟାଇଗର୍ସକୁ ପରାସ୍ତ କରିଛି। ଟାଇଗର୍ସ ଦଳ ୨୦ ଓଭରରେ ୭ ଉଇକେଟ ହରାଇ ୧୫୩ ରନ୍ କରିଥିବାବେଳେ କିଙ୍ଗ୍ସ ୧୯.୪ ଓଭରରେ ୭ ଉଇକେଟ ବିନିମୟରେ ୧୫୬ ରନ୍ ସଂଗ୍ରହ କରିନେଇଥିଲା। ବିଜୟୀ ଦଳ ପକ୍ଷରୁ ୟୁସୁଫ୍ ପଠାନ ୨୮ ବଲ୍ରୁ ସର୍ବାଧିକ ୪୪ (୪ ଚୌକା, ୨ ଛକା), ତନ୍ମୟ ଶ୍ରୀବାସ୍ତବ ୨୮ ଏବଂ ଇର୍ଫାନ ପଠାନ ଓ ଟିନୋ ବେଷ୍ଟ ୧୫* ରନ ଲେଖାଏ ସ୍କୋର କରିଥିଲେ। ମନିପାଲ ଟାଇଗର୍ସ ବୋଲରଙ୍କ ମଧ୍ୟରେ ର଼୍ୟାନ ସାଇଡବଟମ ୩ଟି, କ୍ରିସ ମୋପୋଫୁ ୨ଟି ଉଇକେଟ ନେଇଥିଲେ। ଟସ୍ ହାରି ବ୍ୟାଟିଂ ଆମନ୍ତ୍ରଣ ପାଇଥିଲା ମନିପାଲ ଟାଇଗର୍ସ। ଟପ୍ ଅର୍ଡରରେ ବ୍ୟାଟିଂ ବିପର୍ଯ୍ୟୟ ସତ୍ତ୍ୱେ ଦଳ ମହମ୍ମଦ କୈଫଙ୍କ ଦ୍ରୁତ ଅର୍ଦ୍ଧଶତକ ସହାୟତାରେ ସମ୍ମାନଜନକ ସ୍କୋର କରିଥିଲା। କୈଫ ୫୯ ବଲ୍ରୁ ୧୦ ଚୌକା ସହାୟତାରେ ୭୩ ଏବଂ ପ୍ରଦୀପ ସାହୁ ୧୯ ବଲ୍ରୁ ୩୦ (୨ ଚୌକା, ୧ ଛକା) ରନ କରିଥିଲେ। ବିପକ୍ଷ ଦଳର ଫିଦେଲ ଏଡଓ୍ବାଡର୍ସ ସର୍ବାଧିକ ୪ଟି ଉଇକେଟ ନେଇଥିବାରୁ ଶେଷରେ ପ୍ଲେୟର ଅଫ୍ ଦି ମ୍ୟାଚ ବିବେଚିତ ହୋଇଥିଲେ।