ଭୋପାଳ,୧୭।୫: ରାଜସ୍ଥାନ ଠାରୁ ମଧ୍ୟପ୍ରଦେଶ ପର୍ଯ୍ୟନ୍ତ ସାମ୍ପ୍ରଦାୟିକ ହିଂସା ଖବର ଆଜିକାଲି ଦେଖିବାକୁ ମିଳୁଛି। ସୋମବାର ବିଳମ୍ବିତ ରାତିରେ ମଧ୍ୟପ୍ରଦେଶର ନିମଚରେ ଦୁଇ ସମ୍ପ୍ରଦାୟ ମଧ୍ୟରେ ହିଂସାତ୍ମକ ସଂଘର୍ଷ ହୋଇଥିଲା। ଉତ୍ତେଜନା ଏତେ ବଢିଗଲା ଯେ ବହୁ ସଂଖ୍ୟକ ପୋଲିସ ଫୋର୍ସ ମୁତୟନ କରାଯାଇଥିଲା। ବାତାବରଣକୁ ଦୃଷ୍ଟିରେ ରଖି ଏହି ଅଞ୍ଚଳରେ ଧାରା ୧୪୪ ଲାଗୁ କରାଯାଇଛି।
ପୁରାତନ କଚହରି ଅଞ୍ଚଳରେ ହନୁମାନ ପ୍ରତିମୂର୍ତ୍ତି ପ୍ରତିଷ୍ଠା ସମୟରେ ଦୁଇ ସମ୍ପ୍ରଦାୟ ମଧ୍ୟରେ ପଥର ଫିଙ୍ଗା ଯାଇଥିଲା। ଏହି ସମୟରେ ଅନେକ ଗାଡି ମଧ୍ୟ ଭଙ୍ଗାରୁଜା କରାଯାଇଥିଲା ଏବଂ ଅଗ୍ନିକାଣ୍ଡ ଘଟଣା ମଧ୍ୟ ଘଟିଥିଲା। ଉତ୍ତେଜନା ପରେ ବହୁ ସଂଖ୍ୟକ ପୋଲିସ ଫୋର୍ସ ମୁତୟନ କରାଯାଇଛି। ମୁସଲମାନ ପକ୍ଷ ଅଭିଯୋଗ ଅନୁଯାୟୀ, ଏହି ହନୁମାନ ମନ୍ଦିରଟି ଦରଘା ବଦଳରେ ନିର୍ମାଣ କରାଯାଇଛି। ଏହାପୂର୍ବରୁ ମଧ୍ୟପ୍ରଦେଶର ରାଜଗଡରେ ଦୁଇ ସମ୍ପ୍ରଦାୟ ମଧ୍ୟରେ ହିଂସାତ୍ମକ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଥିଲା।
