ସୋସିଆଲ ମିଡିଆରେ ଏମିତି କିଛି ଭିଡିଓ ଭାଇରାଲ ହୁଏ, ଯାହା ଲୋକଙ୍କୁ ହସିବାର ଖୋରାକ ଯୋଗାଇଥାଏ। ନିକଟରେ ମଇଁଷିର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଭିଡିଓରେ ଏକ ମଇଁଷି ବଲିଉଡ୍ ଫିଲ୍ମ ଗୀତରେ ନାଚୁଥିବାର ନଜର ଆସିଛି। FreeSoulSimi ନାମକ ଜଣେ ଉପଭୋକ୍ତା ଏହି ଭିଡିଓକୁ ନିଜ ଟୁଇଟରରେ ଶେୟାର କରି କହିଛନ୍ତି ଯେ, ଏହି ମଇଁଷିର ଭିଡିଓ ତାଙ୍କୁ ତାଙ୍କ ଭଉଣୀ ପଠାଇଛନ୍ତି ଏବଂ ତାଙ୍କ ଘର ନିକଟରେ କେହି ଜଣେ ମଇଁଷି ସହ ନାଚିବାକୁ ଭଲ ପାଆନ୍ତି। ଏହି ଭିଡିଓରେ ଜଣେ ମହିଳା ମଇଁଷିକୁ ନାଚିବାକୁ କହୁଛନ୍ତି ଏବଂ ସେହି ମଇଁଷିଟି ମଧ୍ୟ ସେହି ମହିଳାଙ୍କ କଥା ଶୁଣି ନାଚିବା ଆରମ୍ଭ କରୁଛି। ପ୍ରଥମେ ମହିଳା ନିଜେ ‘ଢୋଲକ ବାଜଦା’ ଗୀତ ଗାଇ ମଇଁଷି ସାମ୍ନାରେ ନାଚୁଛନ୍ତି, ତା’ପରେ ସେ ମଇଁଷିକୁ ନୃତ୍ୟ କରିବାକୁ କହୁଛନ୍ତି। ଆଶ୍ଚର୍ଯ୍ୟର କଥା ହେଉଛି ଯେ ମଇଁଷି ମଧ୍ୟ ସେହି ମହିଳାଙ୍କ କଥା ଶୁଣି ନାଚୁଛି। ଟୁଇଟରରେ ଏହି ଭିଡିଓକୁ ଲୋକମାନେ ବହୁତ ପସନ୍ଦ କରୁଛନ୍ତି।