ରାୟପୁର,୧୨।୧୨: ଛତିଶଗଡର ରାଜଧାନୀ ରାୟପୁରରେ ଏକ ଅଭାବନୀୟ ଘଟଣା ଘଟିଛି। ଏଠାରେ ଏକ ବିହାହ କାର୍ଯ୍ୟକ୍ରମରେ ୧୨ ଫୁଟ ଉଚ୍ଚରୁ ରୋମାଣ୍ଟିକ୍ ଏଣ୍ଟ୍ରି କରୁଥିବାବେଳେ ସୁସଜ୍ଜିତ ଦୋଳି ଭାଙ୍ଗିଯିବାରୁ ବରକନ୍ୟା ଏକ ଦୁର୍ଘଟଣାର ଶିକାର ହୋଇଛନ୍ତି। ଫଳରେ ଉଭୟ ଗୁରୁତର ଆହତ ହୋଇଛନ୍ତି। ଇଭେଣ୍ଟ କମ୍ପାନୀ ନିଜ ଭୁଲ୍ ସ୍ବୀକାର କରିଛି। ଏହି ଘଟଣାରେ ପୋଲିସରେ କୌଣସି ଅଭିଯୋଗ ହୋଇନାହିଁ।
ସୂଚନାଯୋଗ୍ୟ,ଏହି ଘଟଣା ତେଲିବନ୍ଧା ଥାନା ଅଞ୍ଚଳରେ ଘଟିଛି। ବର ଏବଂ କନ୍ୟା ଏକ ସୁସଜ୍ଜିତ ଦୋଳିରେ ୧୨ ଉଚ୍ଚରୁ ବିବାହ ଷ୍ଟେଜ୍ ଉପରକୁ ଏଣ୍ଟ୍ରି କରୁଥିବାବେଳେ ଦୋଳିଟି ଛିଡିଯାଇଥିଲା। ଫଳରେ ଉଭୟ ଗଳି ପଡି ଆହତ ହୋଇଥିଲେ। ଉପସ୍ଥିତ ଲୋକେ ଉତ୍ତେଜନା ସୃଷ୍ଟି କରିଥିଲେ। ସେମାନେ ଇଭେଣ୍ଟ କମ୍ପାନୀ ଉପରେ ରାଗ ଶୁଝାଇ ଥିଲେ।