![](https://www.dharitri.com/wp-content/uploads/2023/12/crpcpdile.jpg)
କୁମ୍ଭୀରକୁ ସବୁଠାରୁ ଆକ୍ରମଣାତ୍ମକ ଶିକାରୀ ଭାବେ ବିବେଚନା କରାଯାଏ। ପାଣି ଭିତରେ ହେଉ ବା ବାହାରେ ଏହା ବେଶ ସହଜରେ ଶିକାର କରିଦିଏ। ସୋସିଆଲ ମିଡିଆରେ ଏହି ସମୟର ଅନେକ ଭିଡିଓ ଭାଇରାଲ ହୋଇଥାଏ। ହେଲେ ଏବେ ଏକ ଚକିତ କଲାଭଳି କୁମ୍ଭୀର ଶିକାରର ଭିଡିଓ ଭାଇରାଲ ହେଉଛି। ଭିଡିଓରେ ଭୋକିଲା ଥିବା କୁମ୍ଭୀରଟିଏ କିଭଳି ଭାବେ ନିଜ ସାଥୀ ଉପରେ ଆକ୍ରମଣ କରୁଛି ତାହା ଦେଖାଯାଉଛି। ଯେକେହି ଏହାକୁ ଦେଖି ଚକିତ ହେଉଛନ୍ତି।
ଭିଡିଓଟି କୌଣସି ଏକ ଚିଡ଼ିଆଖାନାର। ଏଥିରେ ଗୋଟିଏ ସ୍ଥାନରେ ଅନେକ କୁମ୍ଭୀର ନଜର ଆସୁଛନ୍ତି। ସେମାନେ ଭୋକିଲା ଅଛନ୍ତି। ଏତିକିରେ ଜଣେ ସେମାନଙ୍କ ନିକଟକୁ ମାଂସ ଖଣ୍ଡ ଫୋପାଡ଼ୁଛନ୍ତି। ମାଂସ ଦେଖି କୁମ୍ଭୀରମାନେ ଦୌଡ଼ିବାରେ ଲାଗିଛନ୍ତି। ଏହି ସମୟରେ ଏକ କୁମ୍ଭୀର ସାଥୀ କୁମ୍ଭୀରର ହାତକୁ ମୁହଁକୁ ଦେଇ କେଇ ସେକେଣ୍ଡରେ ଖାଇ ଦେଉଛି। ଆହତ କୁମ୍ଭୀରଟି ରାଗରେ ଚାହିଁଲେ ବି ସେତେବେଳକୁ ହାତ ହରାଇ ସାରିଛି। ଫଳରେ କିଛି କରିପାରି ନାହିଁ। ଏବେ ଏହି ଦୃଶ୍ୟ ଚର୍ଚ୍ଚାରେ ରହିଛି।
ଦେଖନ୍ତୁ ଲୋମଟାଙ୍କୁରା ଭିଡିଓ: