ପ୍ରତ୍ୟେହ ସୋସିଆଲ ମିଡିଆରେ ହଜାର ହଜାର ସଂଖ୍ୟାରେ ଭିଡିଓ ଶେୟାର କରାଯାଇଥାଏ। ସେଥିରୁ କିଛି ବେଶ ମଜାଦାର ହୋଇଥିବା ଯୋଗୁ ଲୋକଙ୍କୁ ପସନ୍ଦ ଆସିଥାଏ। ସେଭଳି ଗୁଜରାଟର ଏକ ଭିଡିଓ ଏବେ ଭାଇରାଲ ହେଉଛି । କାରଣ ଭିଡିଓରେ ନିର୍ବାଚନ ଜିତିଥିବା ଯୋଗୁ ଶାଶୁ ଜ୍ୱାଇଁଙ୍କୁ କାନ୍ଧରେ ବସାଇ ପୁରା ଗାଁ ବୁଲାଉଥିବା ଦେଖିବାକୁ ମିଳୁଛି।
ଗୁଜରାଟ ନିର୍ବାଚନରେ ବାଜିମାତ କଲେ ଜ୍ୱାଇଁ। ଏଥିରେ ଖୁସି ହୋଇ ଶାଶୁ ସମସ୍ତଙ୍କ ସାମ୍ନାରେ ଜ୍ୱାଇଁଙ୍କୁ କାନ୍ଧରେ ବସାଇଥିଲେ। ଏପରିକି ନାଚିନାଚି ଗାଁ ସାରା ବୁଲାଇଥିଲେ। ତେବେ ଶାଶୁ-ଜ୍ୱାଇଁଙ୍କ ଏଭଳି ସ୍ନେହ ଲୋକଙ୍କୁ ବେଶ ପସନ୍ଦ ଆସୁଛି। ଅନେକ ଉଭୟଙ୍କ ପ୍ରଶଂସା କରୁଛନ୍ତି।
ଟୁଇଟରରେ ଏହି ଭିଡିଓକୁ ‘@santoshsaagr’ ନାମକ ବ୍ୟବହାରକାରୀ ଶେୟାର କରିଛନ୍ତି। ଭିଡିଓ ସହ କ୍ୟାପ୍ସନରେ ଲେଖିଛନ୍ତି, ‘ସ୍ତ୍ରୀର ଶକ୍ତିକୁ କମ୍ ଭାବନ୍ତୁ ନାହିଁ। ସେ ମା’, ଭଉଣୀ, ସ୍ତ୍ରୀ ହେବା ସହ ସୃଷ୍ଟିକୁ ଚଳାଉଛନ୍ତି। ଗୁଜରାଟର ଏକ ଗାଁରେ ପଞ୍ଚାୟତ ନିର୍ବାଚନରେ ଜ୍ୱାଇଁ ଜିତିବା ପରେ ଶାଶୁ ମା’ ତାଙ୍କୁ କାନ୍ଧରେ ବସାଇ ଗାଁରେ ବୁଲାଇଥିଲେ। ଭାରତୀୟ ନାରୀ।’