ପ୍ରତ୍ୟେକ ଦିନ ସୋସିଆଲ ମିଡିଆରେ କିଛି ନା କିଛି ନୂତନ ଭିଡିଓ ଏବଂ ଫଟୋ ଭାଇରାଲ ହେଉଛି। ସେଥିରୁ କେତେକ ଭିଡିଓ ଏବଂ ଫଟୋ ହସର ଖୋରାକ ଯୋଗାଉଥିବା ବେଳେ କେତେକ ଭାବପ୍ରବଣ କରିଦିଏ। ଛୋଟ ପିଲାଙ୍କ ବଦମାସି ସମସ୍ତଙ୍କୁ ପସନ୍ଦ। ମାତ୍ର ବେଳେବେଳେ ସେମାନେ ଏପରି କିଛି କାର୍ଯ୍ୟ କରନ୍ତି ଯାହାକୁ ଦେଖିଲେ ହୋସ ଉଡିଯାଏ। ସେହିଭଳି ଟୁଇଟରରେ ଏବେ ଏକ ଭିଡିଓ ଭାଇରାଲ ହେବାରେ ଲାଗିଛି।
ଏହି ଭିଡିଓରେ ଏହା ଦେଖିବାକୁ ମିଳୁଛି ଯେ, ଛୋଟ ପିଲାଟି ଏକ ଅଦ୍ଭୁତ ଉପାୟରେ ଶିଡ଼ିରୁ ଓହ୍ଲାଉଛି । ଯଦିଓ ଏହି ଦୃଶ୍ୟ ଦେଖିଲେ ଆଶ୍ଚର୍ଯ୍ୟ ଲାଗୁଛି। କିନ୍ତୁ ପିଲାଟି ଏଭଳି ଚଢ଼ି ତଳକୁ ଓହ୍ଲାଇବା ବିପଦପୂର୍ଣ୍ଣ ଅଟେ। ଭିଡିଓଟି ଇନଷ୍ଟାଗ୍ରାମରେ ମେମ୍ ପେଜ ‘ଘଣ୍ଟା’ ଦ୍ୱାରା ଅପଲୋଡ ହୋଇଛି। ଏହି ପୋଷ୍ଟକୁ ଏପର୍ଯ୍ୟନ୍ତ ୧ ଲକ୍ଷରୁ ଅଧିକ ଲାଇକ ମିଳିଛି। ଏହା ସହିତ ଅନେକ ଲୋକ ଏହି ଭିଡିଓକୁ ସୋସିଆଲ ମିଡିଆରେ ମଧ୍ୟ ଶେୟାର କରିଛନ୍ତି ।