ଦୁନିଆର ଅନେକ ଲୋକ ଏପରି କିଛି ବିପଜ୍ଜନକ କାର୍ଯ୍ୟ କରନ୍ତି, ଯାହା ବିଷୟରେ ଭାବିଲେ ଡର ଲାଗିଥାଏ। ସେହିପରି ଅଗ୍ନିଶମ କର୍ମଚାରୀମାନେ ଅଗ୍ନିକାଣ୍ଡରେ ଲୋକଙ୍କୁ ବଞ୍ଚାଇବା ପାଇଁ ନିଜ ଜୀବନକୁ ବିପଦରେ ପକାଇବାକୁ ପଛାନ୍ତି ନାହିଁ । ପ୍ରାୟତଃ ଆପଣ ଅଗ୍ନିଶମ କର୍ମଚାରୀମାନେ ନିଆଁରେ ଫସି ରହିଥିବା ଲୋକଙ୍କୁ ଉଦ୍ଧାର କରିବା ପାଇଁ ବଡ଼ ବିଲ୍ଡିଂରେ ଚଢ଼ୁଥିବା ଦେଖିଥିବେ। ନିକଟରେ ସୋସିଆଲ ମିଡିଆରେ ସ୍ପାଇଡର୍-ମ୍ୟାନ ବେଗରେ କୋଠା ଉପରକୁ ଚଢ଼ୁଥିବା ଏଭଳି ଜଣେ ଅଗ୍ନିଶମ କର୍ମଚାରୀଙ୍କ ଭିଡିଓ ଭାଇରାଲ ହେବାରେ ଲାଗିଛି। ଯିଏ ସୋସିଆଲ ମିଡିଆରେ ଏହି ଭିଡିଓ ଦେଖୁଛନ୍ତି, ଆଶ୍ଚର୍ଯ୍ୟ ହୋଇଯାଉଛନ୍ତି। ଭିଡିଓରେ ଜର୍ଜ ନାମକ ଜଣେ ବ୍ୟକ୍ତିଙ୍କୁ ଦେଖିବାକୁ ମିଳୁଛି। ଏହି ବ୍ୟକ୍ତି ବୁଲଗେରିଆର ବାସିନ୍ଦା ଏବଂ ବୃତ୍ତି ଅନୁଯାୟୀ ଅଗ୍ନିଶମ କର୍ମଚାରୀ । ଭିଡିଓରେ ବ୍ୟକ୍ତି ଜଣକ ହାତରେ ଏକ ସିଡ଼ି ଧରି ତିନି ମହଲା କୋଠା ଆଡକୁ ଦୌଡ଼ନ୍ତି ଏବଂ ଅତି ଶୀଘ୍ର ଗୋଟିଏ ପରେ ଗୋଟିଏ କୋଠା ଉପରକୁ ଚଢ଼ିଯାଉଛନ୍ତି। ଇଣ୍ଟରନେଟରେ ଲୋକମାନେ ଏହି ବ୍ୟକ୍ତିଙ୍କୁ ସ୍ପାଇଡର୍-ମ୍ୟାନ ଆଖ୍ୟା ଦେଇଛନ୍ତି। ଏହି ଭିଡିଓଟି ଭାଇରାଲ ହେବାରେ ଲାଗିଛି।