ସାରା ବିଶ୍ୱରେ ପାକିସ୍ତାନର ଛବି କିଭଳି ସେ ବିଷୟରେ ସମସ୍ତେ ଅବଗତ। ଅନେକ ଥର ଦେଶର ନେତାମାନେ ଏପରି କିଛି କାର୍ଯ୍ୟ କରିଥାନ୍ତି, ଯାହା ହସର ଖୋରାକ ଯୋଗାଇଥାଏ। ତାହାକୁ ନେଇ ସୋସିଆଲ ମିଡିଆରେ ତାଙ୍କୁ ଟ୍ରୋଲ ମଧ୍ୟ କରାଯାଇଥାଏ। ଏହି କ୍ରମରେ ଏବେ ପାକିସ୍ତାନର ଜଣେ ମନ୍ତ୍ରୀଙ୍କ ଏକ ଭିଡିଓ ଭାଇରାଲ ହେବାରେ ଲାଗିଛି। ଭାଇରାଲ ଭିଡିଓରେ ମନ୍ତ୍ରୀ କୌଣସି ଏକ ଶୋ’ ରୁମ୍ର ଉଦ୍ଘାଟନରେ ପହଞ୍ଚିଛନ୍ତି। ସେଠାରେ ସେ କଇଁଚି ବଦଳରେ ଦାନ୍ତରେ ଫିତା କାଟିଥିବା ଦେଖାଯାଉଛି।
କୁହାଯାଉଛି ମନ୍ତ୍ରୀଜଣଙ୍କ ହେଉଛନ୍ତି ଫାୟାଜ ଅଲ ହାସନ। ସେ ପଞ୍ଜାବ ପ୍ରଦେଶର ଜେଲ ମନ୍ତ୍ରୀ। କେବଳ ଏତିକି ନୁହେଁ ଫୟାଜ ପଞ୍ଜାବ ସରକାରଙ୍କ ମୁଖପାତ୍ର ମଧ୍ୟ। ସେ ଏକ ଶୋ’ ରୁମ୍ର ଉଦ୍ଘାଟନ କରିବାକୁ ଆସିଥିଲେ। ହେଲେ ମନ୍ତ୍ରୀ ଲାଲ ଫିତାକୁ କଇଁଚିରେ କାଟି ପାରି ନ ଥିଲେ। ଶେଷରେ ସେ ଦାନ୍ତରେ କାଟି ଉଦ୍ଘାଟନ କରିବାକୁ ପଛାଇ ନ ଥିଲେ। ଏହାଦେଖି ସେଠାରେ ଉପସ୍ଥିତ ଲୋକମାନେ ମଧ୍ୟ ଜୋର୍ରେ ହସିବାକୁ ଲାଗିଥିଲେ। କେହି କେହି ପୁରା ଘଟଣାକ୍ରମକୁ ମୋବାଇଲରେ ରେକର୍ଡ କରି ସୋସିଆଲ ମିଡିଆରେ ଅପ୍ଲୋଡ କରିଥିଲେ। ଏହା ଏବେ ଭାଇରାଲ ହେବାରେ ଲାଗିଛି। ବ୍ୟବହାରକାରୀମାନେ ଭିଡିଓକୁ ଉପଭୋଗ କରୁଥିବା ବେଳେ ପରିହାସ ମଧ୍ୟ କରୁଛନ୍ତି।
یہ ضروری نہیں ہے کہ ترجمان کا دماغ تیز اور زبان تیکھی ہونی چاہیئے۔ اس کے دانت بھی تیکھے ہونے ضروری ہیں.
Unable to cut the ribbon with a blunt scissor, Pakistan Punjab’s Jail minister and spokesperson @Fayazchohanpti did the inauguration job with his teeth.😬
Theek ho gya….🤦🏻♂️ pic.twitter.com/hsaUCUJsUE— Ravinder Singh Robin ਰਵਿੰਦਰ ਸਿੰਘ راویندرسنگھ روبن (@rsrobin1) September 2, 2021
