କଥାରେ ଅଛି ମାନବିକତାଠାରୁ ବଡ଼ ଧର୍ମ ବିଶ୍ୱରେ ନାହିଁ। ଯେତେବେଳେ, ଯେଉଁଠି ସୁଯୋଗ ମିଳିବ, ଅସହାୟ ଲୋକଙ୍କୁ ସାହାଯ୍ୟ କରିବା ଉଚିତ। ସୋସିଆଲ ମିଡିଆରେ ଏଭଳି ଏକ ଭିଡିଓ ଭାଇରାଲ ହେଉଛି ଯାହାକୁ ଦେଖି ଲୋକମାନେ ବେଶ ଭାବପ୍ରବଣ ହେଉଛନ୍ତି। କାରଣଟି ଭିଡିଓରେ ଜଣେ ଭାରତୀୟ ଯବାନଙ୍କ ମହାନତାକୁ ଦେଖିବାକୁ ମିଳିଛି।
ଭିଡିଓରେ ଜଣେ ବ୍ୟକ୍ତିଙ୍କ ଦୋକାନ ଆଗରେ ଜଣେ ବୃଦ୍ଧା ମହିଳାଙ୍କୁ ଶୋଇଥିବା ଦେଖାଯାଉଛି। ଠିକ୍ ଏହି ସମୟରେ ଦୋକାନ ମାଲିକ ଆସି ତାଙ୍କୁ ପିଟି ପିଟି ଉଠାଇବାକୁ ଚେଷ୍ଟା କରୁଛନ୍ତି। ଏଥିରେ ନ ଉଠିବାରୁ ବ୍ୟକ୍ତିଜଣଙ୍କ ତାଙ୍କ ଉପରେ ପାଣି ଢ଼ାଳନ୍ତି। ଏହା ଦେଖି ମହିଳାଜଣଙ୍କ ଭୟଭୀତ ହୋଇ ଉଠି ପଡ଼ି ତାଙ୍କୁ ଶୋଇବାକୁ ଦେବା ପାଇଁ ଗୋଡ ଧରୁଛନ୍ତି। ହେଲେ ଦୋକାନ ମାଲିକ ରାଜି ନ ହୋଇ ପାଟି କରୁଛନ୍ତି। ପରେ ଜଣେ ଯବାନ ଆସି ମହିଳାଙ୍କୁ ସାହାଯ୍ୟ କରୁଛନ୍ତି। ଏହା ଦେଖିବା ପରେ ଲୋକମାନେ ଭାବପ୍ରବଣ ହେବା ସହ ଯବାନଙ୍କୁ ବହୁତ ପ୍ରଶଂସା କରୁଛନ୍ତି।
ଆଇଏଏସ୍ ଅବନୀଶ ଶରଣ ଟୁଇଟରରେ ଏହାକୁ ଶେୟାର କରି ଲେଖିଛନ୍ତି, ମୁଁ ଏହି ଅଜଣା ଯବାନଙ୍କୁ ନମସ୍କାର କରୁଛି। ତେବେ ଭିଡିଓଟିକୁ ୬୦ହଜାରରୁ ଅଧିକ ଲୋକ ଦେଖି ସାରିଥିବା ବେଳେ ୧୦ ହଜାର ଲୋକ ଏହାକୁ ପସନ୍ଦ କରିଛନ୍ତି।