ସୋସିଆଲ ମିଡିଆରେ ପ୍ରତିଦିନ କିଛି ନା କିଛି ଆଶ୍ଚର୍ଯ୍ୟଜନକ ଭିଡିଓ ଭାଇରାଲ ହୋଇଥାଏ। ଏବେ ସେମିତି ଏକ ଭୟଙ୍କର ଭିଡିଓ ଭାଇରାଲ ହେଉଛି। ଯେଉଁଥିରେ ରାଜସ୍ଥାନର ରଣଥମ୍ବୋର ଜାତୀୟ ଉଦ୍ୟାନର ହ୍ରଦ କୂଳରେ ବାଘୁଣୀ ରିଦ୍ଧି ଏକ କୁମ୍ଭୀର ଉପରେ ଆକ୍ରମଣ କରୁଥିବା ଦେଖିବାକୁ ମିଳିଛି। ଏହି ଆଶ୍ଚର୍ଯ୍ୟଜନକ ଦୃଶ୍ୟ ପର୍ଯ୍ୟଟକମାନେ ସେମାନଙ୍କ କ୍ୟାମେରାରେ କଏଦ କରିଥିଲେ ଏବଂ ଜାତୀୟ ଉଦ୍ୟାନର ଅଧିକାରୀମାନେ ଭିଡିଓକୁ ଇନ୍ଷ୍ଟାଗ୍ରାମରେ ପୋଷ୍ଟ କରିଛନ୍ତି।
ଫେବୃଆରୀ ୧ରେ ପୋଷ୍ଟ କରାଯାଇଥିବା ଭିଡିଓରେ ରିଦ୍ଧି ପ୍ରଥମେ ଧିରେଧିରେ ହ୍ରଦ ଆଡ଼କୁ ଯାଉଥିବାର ଦେଖିବାକୁ ମିଳିଛି। ଯେଉଁଠି କୁମ୍ଭୀର ଥିଲା। ହଠାତ୍ ସେ କୁମ୍ଭୀର ଉପରେ ଆକ୍ରମଣ କରିବାକୁ ଆଗକୁ ବଢ଼ିଲା। ପରବର୍ତ୍ତୀ ମୁହୂର୍ତ୍ତରେ କୁମ୍ଭୀରଟି ହ୍ରଦ ଭିତରେ ବହୁ ଦୂରରେ ଦେଖିବାକୁ ମିଳିଥିବା ବେଳେ ରିଦ୍ଧି କୂଳରୁ ଏହାକୁ ଦେଖି ଫେରି ଆସିଥିଲା।
ବାସ୍ତବରେ ପର୍ଯ୍ୟଟକଙ୍କ ଦୃଷ୍ଟି ଆକର୍ଷଣ କରିଥିଲା ରିଦ୍ଧିର କୁମ୍ଭୀର ଉପରେ ଆକ୍ରମଣ କରିବାର ଚମତ୍କାର ଉଦ୍ୟମ। ଏହି ଦୃଶ୍ୟ ଅସାଧାରଣରୁ କିଛି କମ୍ ନ ଥିଲା। କାରଣ ରିଦ୍ଧି ତାର ଶକ୍ତିଶାଳୀ ଶରୀର ଏବଂ ଅନ୍ତର୍ନିହିତ ଶିକାରୀ ପ୍ରବୃତ୍ତି ସହିତ ଏହି ଆକ୍ରମଣ ପାଇଁ ବେଶ୍ ଭଲ ଭାବରେ ଉଦ୍ୟମ କରିଥିଲା। ଭିଡିଓ ପୋଷ୍ଟ କରାଯାଇ ଏଥିରେ କ୍ୟାପଶନ ଲେଖାଯାଇଛି, ‘ବ୍ରହ୍ମାସ୍ତ୍ର ସଂଗ୍ରାମ’ ବାଘୁଣୀ ରିଦ୍ଧି କୁମ୍ଭୀର ଉପରେ ଆକ୍ରମଣ କରୁଛି।’
ଏହି ଭିଡିଓକୁ ବର୍ତ୍ତମାନ ସୁଦ୍ଧା ଇନ୍ଷ୍ଟାଗ୍ରାମରେ ୯ ହଜାରରୁ ଅଧିକ ଥର ଦେଖାଯାଇଥିବା ବେଳେ ପଶୁପ୍ରେମୀମାନେ ନାନା ମନ୍ତବ୍ୟ ଦେଇଛନ୍ତି। ଜଣେ ୟୁଜର କହିଛନ୍ତି, ପ୍ରୋଟେକ୍ଟର। ସେହିପରି ଆଉ ଜଣେ କହିଛନ୍ତି, ବାଘୁଣୀ-କୁମ୍ଭୀର ଯୁଦ୍ଧ।