ନୂଆଦିଲ୍ଲୀ,୧୮।୭: ଟିମ ଇଣ୍ଡିଆର ନୂତନ କୋଚ ଗୌତମ ଗମ୍ଭୀର ରୋହିତ ଶର୍ମାଙ୍କ ପରେ ଶ୍ରୀଲଙ୍କାରେ ଦିନିକିଆ ସିରିଜ ଖେଳିବାକୁ ବିରାଟ କୋହଲିଙ୍କୁରାଜି କରାଇଦେଇଛନ୍ତି। ଏହା ପୂର୍ବରୁ ବିରାଟ ଏବଂ ରୋହିତ ଶ୍ରୀଲଙ୍କା ବିପକ୍ଷରେ ଦିନିକିଆ ସିରିଜ ଖେଳିବେ ନାହିଁ ବୋଲି ଖବର ଆସିଥିଲା। ତେବେ କୋଚ ଗମ୍ଭୀରଙ୍କ ଅନୁରୋଧ କ୍ରମେ ଉଭୟ କିମ୍ବଦନ୍ତୀ ଚୟନ ପାଇଁ ଉପଲବ୍ଧ ।
ରିପୋର୍ଟ ଅନୁଯାୟୀ, ରୋହିତଙ୍କ ପରେ ବିରାଟ କୋହଲି ମଧ୍ୟ ଶ୍ରୀଲଙ୍କାରେ ଦିନିକିଆ ସିରିଜ ଖେଳିବେ ବୋଲି ନିଶ୍ଚିତ ହୋଇଛି। ତେବେ ପୂର୍ବରୁ ଖବର ଆସିଥିଲା ଯେ କ୍ରମାଗତ ୬ ମାସ କ୍ରିକେଟ ଖେଳିବା କାରଣରୁ ବିରାଟ କୋହଲି, ରୋହିତ ଶର୍ମା ଏବଂ ଜସପ୍ରୀତ ବୁମ୍ବରା ଶ୍ରୀଲଙ୍କା ବିପକ୍ଷ ତିନି ମ୍ୟାଚ ବିଶିଷ୍ଟ ଦିନିକିଆ ସିରିଜ ଖେଳିବେ ନାହିଁ। ତିନିଜଣ ଭେଟେରାନଙ୍କୁ ବିଶ୍ରାମ ଦେବାକୁ ବୋର୍ଡ ମଧ୍ୟ ପ୍ରସ୍ତୁତ ଅଛି। ତେବେ ବର୍ତ୍ତମାନ ରୋହିତ, କୋହଲି ଖେଳିବାକୁ ପ୍ରସ୍ତୁତ ଅଛନ୍ତି ବୋଲି ଖବର ଆସିଛି। ତେବେ ଜସପ୍ରୀତ ବୁମ୍ରା ଟି -୨୦ ଏବଂ ଦିନିକିଆ ସିରିଜ ଖେଳିବେ ନାହିଁ। କାର୍ଯ୍ୟଭାରକୁ ବିଚାରକୁ ନେଇ ବୁମ୍ରାଙ୍କୁ ଉଭୟ ଫର୍ମାଟର କ୍ରମରେ ବିଶ୍ରାମ ଦିଆଯିବ ।
ସୂଚନାଯୋଗ୍ୟ, ୨୦୨୪ ଟି -୨୦ ବିଶ୍ୱକପ୍ ଜିତିବା ପରେ ରୋହିତ ଶର୍ମା ଏବଂ ବିରାଟ କୋହଲି ଅବସର ନେଇଥିଲେ। ଏହି ଦୁଇଜଣଙ୍କ ବ୍ୟତୀତ ଷ୍ଟାର ଅଲରାଉଣ୍ଡର ରବିନ୍ଦ୍ର ଜାଡେଜା ମଧ୍ୟ ଟି -୨୦ ଇଣ୍ଟରନ୍ୟାଶନାଲକୁ ବିଦାୟ ଦେଇଛନ୍ତି। ତେବେ ରୋହିତ ଏବଂ ବିରାଟ ଦେଶ ପାଇଁ ଦିନିକିଆ ଏବଂ ଟେଷ୍ଟ କ୍ରିକେଟ ଖେଳିବା ଜାରି ରଖିବେ।