ଚେନ୍ନାଇ,୧୪।୨: ଚେନ୍ନାଇର ଚେପାକ ଗ୍ରାଉଣ୍ଡରେ ଭାରତ ଏବଂ ଇଂଲଣ୍ଡ ମଧ୍ୟରେ ଚାଲିଥିବା ଚାରି ଟେଷ୍ଟ ସିରିଜର ଦ୍ୱିତୀୟ ମ୍ୟାଚ ଖେଳାଯାଉଛି। ଦ୍ୱିତୀୟ ଟେଷ୍ଟର ଦ୍ୱିତୀୟ ଦିନରେ ଭାରତୀୟ ସ୍ପିନରଙ୍କ ଆଧାରରେ ଟିମ ଇଣ୍ଡିଆ ଇଂଲଣ୍ଡ ଉପରେ କଡା ଜବାବ ଦେଇଛି। ରବିବାରର ଛୁଟି ହେତୁ ଷ୍ଟାଡିୟମରେ ପ୍ରାୟ ୧୨୦୦୦ ଦର୍ଶକ ଉପସ୍ଥିତ ଅଛନ୍ତି। ପ୍ରାୟ ଏକ ବର୍ଷ ପରେ ପଡ଼ିଆରେ ଦର୍ଶକଙ୍କ ଉପସ୍ଥିତିରେ ଭାରତୀୟ ଖେଳାଳିମାନେ ମଧ୍ୟ ବହୁତ ଖୁସି ଅଛନ୍ତି। ଭାରତୀୟ ଅଧିନାୟକ ବିରାଟ କୋହଲି ହ୍ବିସଲ୍ ମାରି ଦର୍ଶକଙ୍କ ମନୋରଞ୍ଜନ କରୁଥିବା ଦେଖିବାକୁ ମିଳିଥିଲା। ଏକ ସମୟରେ ଇଂଲଣ୍ଡ ଦଳର ଅର୍ଦ୍ଧେକ ଖେଳାଳି ମାତ୍ର ୮୭ ରନ ପାଇଁ ପାଭିଲିୟନକୁ ଫେରିଥିଲେ। ଏହି ସମୟରେ ମହମ୍ମଦ ସିରାଜ ଭାରତୀୟ ମାଟିରେ ନିଜର ପ୍ରଥମ ଉଇକେଟ୍ ସ୍ବରୂପ ଓଲି ପୋପଙ୍କୁ ନେଇଥିଲେ। ଏହାପରେ ଦର୍ଶନ ଖୁବ୍ଜୋର୍ରେ ତାଳି ମାରିଥିଲେ। ଏହି ଦୃଶ୍ୟ ଦେଖି ବିରାଟ କୋହଲି ମଧ୍ୟ ନିଜକୁ ଅଟକାଇ ପାରି ନ ଥିଲେ। କୋହଲି ମଧ୍ୟ ହ୍ବରସଲ୍ ମାରି ଆହୁରି ତାଳି ମାରିବାକୁ କହିଥିଲେ। କୋହଲି ଏହା କରିବାବେଳେ ଷ୍ଟାଡିୟମରେ ଦର୍ଶକଙ୍କ ସ୍ବର ଶୁଣିବାକୁ ଲାଗିଲା। ସ୍ଏହି ଭିଡିଓକୁ ବିସିସିଆଇ ଏହାର ଟୁଇଟର ହ୍ୟାଣ୍ଡେଲରେ ଶେୟାର କରିଛି।