ସେଞ୍ଚୁରିଅନ୍,୨୮।୧୨: ଭାରତୀୟ କ୍ରିକେଟର ବିରାଟ କୋହଲି ନିଜ ନାଁରେ ଐତିହାସିକ ରେକର୍ଡ ସୃଷ୍ଟି କରିବାରେ ଶୀର୍ଷ ସ୍ଥାନରେ ରହନ୍ତି। ସେଞ୍ଚୁରିଅନ୍ରେ ଦକ୍ଷିଣ ଆଫ୍ରିକା ବିପକ୍ଷରେ ଖେଳାଯାଇଥିବା ପ୍ରଥମ ଟେଷ୍ଟରେ କୋହଲି ତାଙ୍କ ନାମରେ ଏକ ବିଶେଷ ରେକର୍ଡ କରିଛନ୍ତି। ଆଫ୍ରିକା ବିପକ୍ଷ ଟେଷ୍ଟ ମାଧ୍ୟମରେ କୋହଲି ଏହି କ୍ୟାଲେଣ୍ଡର ବର୍ଷରେ (୨୦୨୩) ୨୦୦୦ ଅନ୍ତର୍ଜାତୀୟ ରନ୍ ପୂରା କରିଛନ୍ତି।
୨୦୨୩ରେ ୨୦୦୦ରନ୍ ମାର୍କ ଛୁଇଁ କୋହଲି ସାତୋଟି କ୍ୟାଲେଣ୍ଡର ବର୍ଷରେ ୨୦୦୦ କିମ୍ବା ଅଧିକ ରନ ସ୍କୋର କରିବାରେ ବିଶ୍ୱର ପ୍ରଥମ ବ୍ୟାଟର୍ ହୋଇଛନ୍ତି। ଏହାପୂର୍ବରୁ ୨୦୧୯ରେ କୋହଲି ଅନ୍ତର୍ଜାତୀୟ କ୍ରିକେଟରେ ୨୦୦୦ ରନ୍ ଅତିକ୍ରମ କରିଥିଲେ, ସେତେବେଳେ କୋହଲି ୪୪ ଟି ମ୍ୟାଚର ୪୬ଟି ଇନିଂସରେ ୨୪୪.୫ ରନ୍ ସ୍କୋର କରିଥିଲେ। ଏହି ସମୟରେ ସେ ୭ ଶତକ ଏବଂ ୧୪ ଅର୍ଦ୍ଧଶତକ ସାମିଲ ଥିଲା।
କୋହଲି ପ୍ରଥମେ ୨୦୧୨ର କ୍ୟାଲେଣ୍ଡର ବର୍ଷରେ ୨୦୦୦ ରନ୍ ମାର୍କ ଅତିକ୍ରମ କରିଥିଲେ, ସେତେବେଳେ ସେ ୨୧୮୬ ରନ୍ ସ୍କୋର କରିଥିଲେ, ଯେଉଁଥିରେ ତାଙ୍କର ଉଚ୍ଚ ସ୍କୋର ୧୮୩ ରନ୍ ଥିଲା। ସେହିବର୍ଷ କୋହଲି ୮ ଶତକ ଏବଂ ୧୦ ଅର୍ଦ୍ଧଶତକ ହାସଲ କରିଥିଲେ।
୨୦୧୨- ୨୧୮୬
୨୦୧୪- ୨୨୮୬
୨୦୧୬- ୨୫୯୫
୨୦୧୭- ୨୮୧୮
୨୦୧୮- ୨୭୩୭
୨୦୧୯- ୨୪୫୫
୨୦୨୩- ୨୦୩୧