ନୂଆଦିଲ୍ଲୀ,୧୩।୯: ଦୀର୍ଘ ଏକ ମାସର ବିଶ୍ରାମ ପରେ ପୁଣି ମଇଦାନକୁ ଓହ୍ଲାଇଛନ୍ତି ପୂର୍ବତନ ଅଧିନାୟକ ତଥା ବ୍ୟାଟ୍ସମ୍ୟାନ୍ ବିରାଟ କୋହଲି। ନିକଟରେ ଖେଳାଯାଇଥିବା ଏସିଆ କପ୍ ଟୁର୍ନାମେଣ୍ଟରେ ଦଳ ବିଫଳ ହୋଇଥିଲେ ହେଁ ବ୍ୟକ୍ତିଗତ ଭାବେ ସେ ଚମକିଛନ୍ତି। ୨୦୧୯ ନଭେମ୍ବରଠାରୁ ଶତକ ମାରି ନ ଥିବା ବିରାଟ ଟୁର୍ନାମେଣ୍ଟରେ ଆଫଗାନିସ୍ତାନ ବିପକ୍ଷରେ ୧୨୨ ରନ୍ର ଇନିଂସ ଖେଳି ପ୍ରଶଂସକଙ୍କ ହୃଦୟ ଜିତିଥିଲେ। ତେବେ କ୍ରିକେଟ ମଇଦାନରେ ଉପଲବ୍ଧି ପରେ କୋହଲି ସୋସିଆଲ ମିଡିଆରେ ନୂଆ କିର୍ତ୍ତୀମାନ ସ୍ଥାପନ କରିଛନ୍ତି। ବିଶ୍ୱର ପ୍ରଥମ କ୍ରିକେଟର ଭାବେ ଟୁଇଟରରେ ତାଙ୍କର ଫଲୋଅର୍ସ ସଂଖ୍ୟା ୫୦ ମିଲିୟନରେ ପହଞ୍ଚିଛି। ଏଥିରୁ ସେ ବିଶ୍ୱର ସବୁଠାରୁ ପ୍ରିୟ ଖେଳାଳି ବୋଲି ସ୍ପଷ୍ଟ ହୋଇଛି।
ତେବେ କେବଳ ଯେ ଟୁଇଟର ତାହା ନୁହେଁ, ଇନଷ୍ଟାଗ୍ରାମରେ ମଧ୍ୟ କୋହଲିଙ୍କ ପ୍ରଶଂସକଙ୍କ ସଂଖ୍ୟା କାହିଁରେ କେତେ। ଏବେ ତାଙ୍କର ଆକାଉଣ୍ଟରେ ୨୧୧ ମିଲିୟନ ଫଲୋଅର୍ସ ଅଛନ୍ତି। ସେହିଭଳି ଫେସବୁକରେ ୪୯ ମିଲିୟନ ଫଲୋଅର୍ସ ଅଛି। ମୋଟ ଯଦି ହିସାବ କରାଯାଏ ତାହା ହେଲେ ୩୧୦ ମିଲିୟନ ଫଲୋଅର୍ସ ତାଙ୍କର ରହିଛନ୍ତି।
