ପୁଣେ,୨୩।୩: ମଙ୍ଗଳବାର ଇଂଲଣ୍ଡ ବିପକ୍ଷ ପ୍ରଥମ ଦିନିକିଆରେ ଭାରତୀୟ ଅଧିନାୟକ ବିରାଟ କୋହଲି ନୂଆ ଉପଲବ୍ଧି ହାସଲ କରିଛନ୍ତି। ମହାରାଷ୍ଟ୍ର କ୍ରିକେଟ ଆସୋସିଏଶନ୍ ଷ୍ଟାଡିୟମରେ ଖେଳାଯାଉଥିବା ଏହି ମ୍ୟାଚ୍ରେ କୋହଲି ୫୦ ବଲ୍ରେ ୬ ଚୌକା ସହ ନିଜର ୬୧ତମ ଅର୍ଦ୍ଧଶତକ ପୂରଣ କରି ଏକାଧିକ ରେକର୍ଡ ଭାଙ୍ଗିଛନ୍ତି।
କୋହଲି ଶିଖର ଧଓ୍ବନଙ୍କ ସହ ମିଶି ଶତକୀୟ ଭାଗିଦାରୀ କରିଥିଲେ। ସେଥିରେ ସେ ୫୬ ରନ୍ କରି କ୍ୟାଚ୍ ଆଉଟ୍ ହୋଇଯାଇଥିଲେ। ତେବେ ସ୍ବଦେଶରେ ଦିନିକିଆ ଅଧିନାୟକ ଭାବେ ସର୍ବାଧିକ ଅର୍ଦ୍ଧଶତକ କରିଥିବା ଦକ୍ଷିଣ ଆଫ୍ରିକାର ପୂର୍ବ ଅଧିନାୟକ ଏ.ବି ଡିଭିଲିୟର୍ସଙ୍କ ସମକକ୍ଷ ହୋଇଛନ୍ତି ସେ। ୩୩ ପାଳିରେ କୋହଲି ୧୭ ଥର ଏଭଳି କରିଛନ୍ତି। ସେ ସ୍ବଦେଶରେ ଅଧିନାୟକ ଭାବେ ୨୦୦୦ ଦିନିକିଆ ରନ୍ କରିବାରେ ସଫଳ ହୋଇଥିବା ଖେଳାଳି ପାଲଟିଛନ୍ତି। ସେ ଏଯାବତ ୨୦୪୮ରନ୍ କରିଛନ୍ତି। କୋହଲି ଇଂଲଣ୍ଡ ବିପକ୍ଷରେ ସର୍ବାଧିକ ଅର୍ଦ୍ଧଶତକ ହାସଲ କରିବା ମାମଲାରେ ସଚିନ ତେନ୍ଦୁଲକର(୩୬)ଙ୍କ ପରେ ଦ୍ୱିତୀୟ ଭାରତୀୟ ବ୍ୟାଟ୍ସମ୍ୟାନ ପାଲଟିଛନ୍ତି। ଏହି ମାମଲାରେ ସେ ରାହୁଲ ଦ୍ରାବିଡଙ୍କୁ ପଛରେ ପକାଇଛନ୍ତି। ଏହାଛଡ଼ା କୋହଲି ମହାନ ସଚିନଙ୍କ ପରେ ସ୍ବଦେଶରେ ୧୦,୦୦୦ ଅନ୍ତରାଷ୍ଟ୍ରୀୟ ରନ୍ ପୂରଣ କରିଥିବା ଦ୍ୱିତୀୟ ଭାରତୀୟ ବ୍ୟାଟ୍ସମ୍ୟାନ୍ ପାଲଟିଛନ୍ତି।
