ନୂଆଦିଲ୍ଲୀ,୨୯।୧: ଭାରତୀୟ ଦଳର ତାରକା ବ୍ୟାଟ୍ସମ୍ୟାନ ତଥା ପୂର୍ବତନ ଅଧିନାୟକ ବିରାଟ କୋହଲି ବର୍ତ୍ତମାନ ତାଙ୍କ କ୍ୟାରିୟରର ସବୁଠାରୁ ଖରାପ ଫର୍ମ ଦେଇ ଗତି କରୁଛନ୍ତି। ପ୍ରାୟ ପ୍ରତ୍ୟେକ ସିରିଜରେ ଶତକ ହାସଲ କରୁଥିବା ବିରାଟ ଗତ ଦୁଇ ବର୍ଷ ଧରି ଏକ ଶତକ ମାରିନାହାନ୍ତି। ଏବେ ସେ ତିନୋଟି ଫର୍ମାଟରୁ ଅଧିନାୟକତ୍ୱ ହରାଇଛନ୍ତି । ବର୍ତ୍ତମାନ ଅଧିନାୟକ ଦାୟିତ୍ୱ ରୋହିତ ଶର୍ମାଙ୍କ ନିକଟକୁ ଆସିବା ପରେ ଦିନକିିଆ ଏବଂ ଟି -୨୦ କ୍ରିକେଟରେ ବିରାଟଙ୍କ ସ୍ଥାନ ବିପଦରେ ରହିଛି। ଯଦି ବିରାଟ ଭଲ ପ୍ରଦର୍ଶନ ନ କରନ୍ତି ତେବେ ରୋହିତ ତାଙ୍କ ପ୍ରିୟ ଖେଳାଳିଙ୍କୁ ତିନି ନମ୍ବରରେ ଖେଳାଇପାରନ୍ତି।
କୋହଲି ଖରାପ ଫର୍ମ କାରଣରୁ ଦଳରୁ ଓହରିଗଲେ ତାଙ୍କ ସ୍ଥାନ ନେଇପାରନ୍ତି ସୂର୍ଯ୍ୟକୁମାର ଯାଦବ। ଏହି ଖେଳାଳି ଭାରତର ଭବିଷ୍ୟତ। ଆଗାମୀ ସମୟରେ ସେ ବିରାଟଙ୍କ ସ୍ଥାନ ନେବା ପାଇଁ ସବୁଠାରୁ ବଡ ପ୍ରତିଦ୍ୱନ୍ଦ୍ୱୀ ହୋଇପାରନ୍ତି। ଏହି ବ୍ୟାଟ୍ସମ୍ୟାନ କୋହଲିଙ୍କ ଅପେକ୍ଷା ଅଧିକ ବିସ୍ଫୋରକ ବ୍ୟାଟିଂ କରିପାରନ୍ତି । ସେ ଅଧିନାୟକ ରୋହିତ ଶର୍ମାଙ୍କ ପ୍ରିୟ ମଧ୍ୟ ଅଟନ୍ତି। ଯଦି ବିସିସିଆଇ ଏବଂ ବିରାଟଙ୍କ ମଧ୍ୟରେ ଏପରି ବିବାଦ ଜାରି ରହେ, ତେବେ ତାଙ୍କୁ ଦଳରୁ ବାହାର କରା ଯାଇପାରେ। ଖରାପ ଫର୍ମ ଯୋଗୁ ତାଙ୍କ ସ୍ଥାନରେ ଏହି ଯୁବ ଖେଳାଳିଙ୍କୁ ସୁଯୋଗ ମିଳିପାରେ ବୋଲି ଚର୍ଚ୍ଚା ହେଉଛି।
ସୂର୍ଯ୍ୟକୁମାର ମୁମ୍ବାଇ ଇଣ୍ଡିଆନ୍ସ ପାଇଁ ତିନି ନମ୍ବରରେ ଖେଳିଛନ୍ତି ଏବଂ ତାଙ୍କ ପ୍ରଦର୍ଶନ ବେଶ ଭଲ ରହିଥିଲା।
