କରୋନା ଯୋଗୁ ଏଥର ଆଇପିଏଲ ୟୁଏଇରେ ଆୟୋଜିତ ହେଉଛି। ମ୍ୟାଚ୍ ପୂର୍ବରୁ ସବୁ ଦଳ ଅଭ୍ୟାସ ଆରମ୍ଭ କରିଛନ୍ତି। ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଦଳ କଠିନ ଅଭ୍ୟାସ ଏକ ମଜାଳିଆ ବୋଲିଂ ଅଧିବେଶନ କରୁଥିବା ଦେଖିବାକୁ ମିଳିଥିଲା। ଏହି ଅଧିବେଶନରେ କେବଳ ବୋଲର ନୁହଁନ୍ତି ଦଳର ସମସ୍ତ ଖେଳାଳି ଅଂଶଗ୍ରହଣ କରିଥିଲେ। ବିଶେଷ କରି ଭାରତୀୟ ଅଧିନାୟକ ବିରାଟ କୋହଲି ଏହି ସମୟରେ ବହୁତ ଉତ୍ସାହିତ ଥିବା ଦେଖାଯାଇଥିଲା। ଆରସିବି ବୋଲିଂ କୋଚ ଆଡାମ ଗ୍ରିଫିଥ ତାଙ୍କ ଖେଳାଳିଙ୍କ ପାଇଁ ଏକ ମଜାଦାର ଚ୍ୟାଲେଞ୍ଜ୍ ଆଣିଥିଲେ। ଏହି ଅଧିବେଶନରେ ସେ ସଠିକ ୟକର୍ର୍ ପାଇଁ ବୋଲରମାନଙ୍କୁ ତାଲିମ ଦେବାକୁ ଚାହୁଁଥିଲେ। ପ୍ରତ୍ୟେକ ବୋଲରଙ୍କୁ ୧୦ଟି ବଲ ଦିଆଯାଇଥିଲା ଟାର୍ଗେଟ ସେଟ ଅନୁଯାୟୀ ଗୋଟିଏ, ଦୁଇ ଏବଂ ପାଞ୍ଚ ପଏଣ୍ଟ ଦିଆଯାଇଥିଲା। ଆରସିବି ପକ୍ଷରୁ ଏକ ଭିଡିଓ ଶେୟାର କରି ଲେଖାଯାଇଛି ‘ଆମର ବୋଲିଂ କୋଚ ଆଡାମ ଗ୍ରିଫିଥ ଖେଳାଳିଙ୍କ ୟର୍କର ଉନ୍ନତି ପାଇଁ ଏକ ନୂତନ ଏବଂ ମଜାଦାର ଚ୍ୟାଲେଞ୍ଜ୍ ଆଣିଛନ୍ତି। ଏହି ଭିଡିଓରେ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ ଅଧିନାୟକ ବିରାଟ କୋହଲି। ଏହି ଅଧିବେଶନରେ କୋହଲିଙ୍କ ସହ ପୁରା ଟିମ ପିଚ ନିକଟରେ ବସିଥିବାର ନଜର ଆସିଥିଲେ। ଏଭଳି ପରିସ୍ଥିତିରେ କୋହଲି ଭଲ ପ୍ରଦର୍ଶନ ପାଇଁ ବୋଲରମାନଙ୍କୁ ଉତ୍ସାହିତ କରିଥିଲେ। ବେଳେବେଳେ କୋହଲି ପିଚ୍ ଉପରେ ଆସି ଡ୍ୟାନ୍ସ କରିବାକୁ ଲାଗିଥିଲେ।