ନୂଆଦିଲ୍ଲୀ,୨୯।୮: ଭାରତୀୟ ଅଧିନାୟକ ବିରାଟ କୋହଲି ନିଜର ଫିଟ୍ନେସକୁ ନେଇ ଚର୍ଚ୍ଚାରେ ରହିଥାନ୍ତି। ଏହାକୁ ନେଇ ସେ ଅନ୍ୟ କ୍ରିକେଟରଙ୍କ ପାଇଁ ଉଦାହରଣ ସୃଷ୍ଟି କରିଛନ୍ତି। କୋହଲିଙ୍କ ଫିଟ୍ନେସ୍ ପଛରେ ଏକ ଗୁପ୍ତ କଥା ରହିଛି। ସେଇଟି ହେଲା ସେ ସର୍ବଦା ଇବିଏନ୍ ନାମକ କମ୍ପାନୀର ପାଣି ପିଇଥାନ୍ତି। ଏହି ପାଣି ବୋତଲ ଫ୍ରାନ୍ସରୁ ସ୍ବତନ୍ତ୍ର ଭାବେ ଆମଦାନୀ ହୋଇଥାଏ। ଏହା ଲିଟର ପିଛା ୬୦୦ ଟଙ୍କାରେ ଆସେ।
ବିରାଟ ବଟର୍ ଚିକେନ, କାଠି ରୋଲ ଏବଂ ମଟନ ରୋଲ ମଧ୍ୟ ଖାଇବାକୁ ଭଲ ପାଆନ୍ତି। ହେଲେ ଏବେ ସେ ଡାଏଟ୍ ପ୍ଲାନକୁ ଭଲ ଭାବେ ଫଲୋ କରନ୍ତି। ସେ ଅତିଥି ଭାବେ କାହା ଘରକୁ ଗଲେ ମଧ୍ୟ ପ୍ୟାକେଟରେ ଥିବା ଫଳରସ ପିଇ ନ ଥାନ୍ତି। ତାଙ୍କ ପାଇଁ ତାଜା ଫଳରସ ପ୍ରସ୍ତୁତ କରାଯାଏ।
ଏସବୁକୁ ଦେଖିଲେ କ୍ୟାପ୍ଟେନ୍ ଭାବେ ସେ ନିଜକୁ ସର୍ବଦା ଫିଟ୍ ରଖିବାକୁ କେତେ ଚେଷ୍ଟିତ ତାହା ଜଣାପଡେ। କାରଣ ଗୋଟିଏ ଦିନ କିମ୍ବା ଦୁଇ ଦିନ ନୁହେଁ ବର୍ଷ ବର୍ଷ ଧରି ସେ ଏହାକୁ ଜୀବନଶୈଳୀରେ ପରିଣତ କରିଦେଇଛନନ୍ତି। ସେ ଏବେ ଗ୍ରିଲ୍ଡ ଏବଂ ସିଝା ଖାଦ୍ୟ ଖାଉଛନ୍ତି। ବିନା ଚିନିରେ କଫି ସହ ତାଜା ଫଳରସ ତାଙ୍କ ଦୈନିକ ଖାଦ୍ୟପେୟରେ ସାମିଲ ରହିଛି।
