ଭାରତୀୟ ଦଳର ଅଧିନାୟକ ବିରାଟ କୋହଲି ଏବେ ବଲିଉଡ ଅଭିନେତ୍ରୀ ଅନୁଷ୍କା ଶର୍ମାଙ୍କ ସହ ଖୁସିରେ ବୈବାହିକ ଜୀବନ ବିତାଉଛନ୍ତି। ନିକଟରେ ଏହି ଦମ୍ପତି ଏକ ଶିଶୁ କନ୍ୟା ମାତାପିତା ହେବାର ସୌଭାଗ୍ୟ ଲାଭ କରିଛନ୍ତି। କିନ୍ତୁ ଅନୁଷ୍କା ଶର୍ମାଙ୍କ ସହ ଗଣ୍ଠି ବାନ୍ଧିବା ପୂର୍ବରୁ କୋହଲି ବ୍ରାଜିଲର ମଡେଲ ତଥା ଅଭିନେତ୍ରୀ ଇଜାବେଲ ଲେଟଙ୍କ ସମେତ ଅନ୍ୟ କିଛି ଯୁବତୀଙ୍କୁ ଡେଟ କରୁଥିବା ଚର୍ଚ୍ଚା ହୋଇଥିଲା। ଇଜାବେଲଙ୍କ କୋହଲିଙ୍କ ପ୍ରେମ ସମ୍ପର୍କ ଅନେକ ଦିନ ଧରି ଚର୍ଚ୍ଚାରେ ଥିଲା। ଉଭୟ ପ୍ରାୟ ଦୁଇ ବର୍ଷ ଧରି ପରସ୍ପରକୁ ଡେଟ କରିଥିଲେ। ଇଜାବେଲ ବ୍ରାଜିଲର ଜଣେ ଲୋକପ୍ରିୟ ମଡେଲ। ସେ ଅନେକ ବଲିଉଡ ଫିଲ୍ମରେ ମଧ୍ୟ ଅଭିନୟ କରିଛନ୍ତି। ବଲିଉଡରେ ଇଜାବେଲ୍ଙ୍କ ପ୍ରଥମ ଚଳଚ୍ଚିତ୍ର ଥିଲା ଅମିର ଖାନଙ୍କ ‘ତଲାଶ’। ଏହି ଚଳଚ୍ଚିତ୍ର ୨୦୧୨ରେ ମୁକ୍ତିଲାଭ କରିଥିଲା। ଖବର ଅନୁଯାୟୀ, ବିରାଟ କୋହଲି ଏବଂ ଇଜାବେଲ ପରସ୍ପରକୁ ୨୦୧୨ ରୁ ୨୦୧୪ ପର୍ଯ୍ୟନ୍ତ ଦୁଇ ବର୍ଷ ପାଇଁ ଡେଟ କରିଥିଲେ। କିନ୍ତୁ ଦୁହେଁ କେବେ ବି ସେମାନଙ୍କ ସମ୍ପର୍କକୁ ସର୍ବସାଧାରଣରେ ପ୍ରକାଶ କରି ନ ଥିଲେ କିନ୍ତୁ ୨୦୧୩ରେ ଉଭୟଙ୍କୁ ଏକ ହୋଟେଲ ବାହାରେ ଏକାଠି ଦେଖାଯାଇଥିଲା। ବ୍ରେକଅପ ପରେ ଇଜାବେଲ ଏକ ସାକ୍ଷାତକାରରେ କୋହଲିଙ୍କ ସହ ତାଙ୍କ ସମ୍ପର୍କ ବିଷୟରେ ଖୋଲାଖୋଲି ଭାବେ କହିଥିଲେ। ସେ କହିଥିଲେ, ହଁ, ଆମେ ଦୁଇ ବର୍ଷ ଧରି ସମ୍ପର୍କ ସ୍ଥାପନ କରିଥିଲୁ। ଏହି ସମ୍ପର୍କ ପାରସ୍ପରିକ ସହମତି ସହ ସମାପ୍ତ ହୋଇଥିଲା। ଇଜାବେଲଙ୍କ ସହ ସମ୍ପର୍କ ଶେଷ କରିବା ପରେ ବିରାଟ କୋହଲି ଅନୁଷ୍କା ଶର୍ମାଙ୍କୁ ଡେଟିଂ ଆରମ୍ଭ କରିଥିଲେ। କୋହଲି ଏବଂ ଅନୁଷ୍କା ୧୧ ଡିସେମ୍ବର ୨୦୧୭ରେ ଇଟାଲୀରେ ବିବାହ କରିଥିଲେ।