ଦୁବାଇ,୧୭।୧୦: ଟି-୨୦ ବିଶ୍ୱକପ୍ ଟିମ୍ ସହ ମେଣ୍ଟର ଭାବେ ଯୋଡ଼ି ହେବେ ମହେନ୍ଦ୍ର ସିଂହ ଧୋନୀ। ଟୁର୍ନାମେଣ୍ଟ ପୂର୍ବରୁ ଗଣମାଧ୍ୟମ ସହ ଆଲୋଚନା ବେଳେ ଭାରତୀୟ ଅଧିନାୟକ ବିରାଟ କୋହଲି ଏନେଇ ନିଜର ପ୍ରତିକ୍ରିୟା ଦେଇଛନ୍ତି।
ବିସିସିଆଇର ଏହି ନିର୍ଣ୍ଣୟ ଉପରେ ସେ ଖୁସି ପ୍ରକାଶ କରିବା ସହ ଧୋନୀଙ୍କ ପାଖରେ ବହୁତ ଅଭିଜ୍ଞତା ରହିଛି। ସେ ନିଜେ ମଧ୍ୟ ବହୁତ ରୋମାଞ୍ଚିତ। ସେ ସର୍ବଦା ଅନ୍ୟମାନଙ୍କ ପାଇଁ ମେଣ୍ଟର ରହି ଆସିଛନ୍ତି। ନିଜ କ୍ୟାରିୟର ଆରମ୍ଭ ଦିନରେ ଏତେ ବଡ଼ ଟୁର୍ନାମେଣ୍ଟ ଖେଳୁଥିବା ଯୁବ କ୍ରିକେଟରଙ୍କୁ ଧୋନୀଙ୍କ ଉପସ୍ଥିତି ଯୋଗୁ ସାହସ ମିଳିବ। ତାଙ୍କର ଉପସ୍ଥିତିରୁ ମନୋବଳ ଏବଂ ଆତ୍ମବିଶ୍ୱାସ ଉଭୟ ବଢ଼ିବ ବୋଲି କୋହଲି କହିଛନ୍ତି।
କହିରଖୁଛୁ, ଧୋନୀଙ୍କୁ ବିସିସିଆଇ ପକ୍ଷରୁ ଭାରତର ୧୫ ସଦସ୍ୟ ଥିବା ଟିମ୍ର ମେଣ୍ଟର ଭାବେ ନିଯୁକ୍ତ କରାଯାଇଛି। ହେଲେ ଏଥିପାଇଁ ସେ ଟଙ୍କାଟିଏ ବି ନେବେ ନାହିଁ ବୋଲି ମନା କରିଛନ୍ତି। ଧୋନୀ ଭାରତ ପାଇଁ ୬ ଟି-୨୦ ବିଶ୍ୱକପ୍ରେ ଅଧିନାୟକତ୍ୱ କରିଛନ୍ତି। ତାଙ୍କ ସମୟରେ ଦଳ ଥରେ ଟି-୨୦ ବିଶ୍ୱକପ୍ ବିଜେତା ହୋଇଥିଲା।
